大瀛喜日本料理 (已結業)

每逢節日慶祝，必定走唔甩都係任食放題。多選擇之餘，又唔怕朋友仔會唔岩食。放題形式以Qr code落單，但岀面都有唔少自助自選食物。有日式小丸子、葡撻和炸薯條。還有凍蝦、凍熟螺和凍青口。飲品區有好多唔同選擇既飲品，有樽裝和罐裝飲品。如果唔想飲凍野，可以選擇熱飲，有麥精、豆奶和朱古力。不過我都係比較中意飲地道既茶，可以試晒3款茶，很滿足。又到打卡既時間，刺身既種類繁多，小編比較喜歡帶子和虎蝦，夠新鮮和彈牙。至於炸物，必點既係榴連波波、虎蝦天婦羅、炸蠔、炸鮮奶和炸地瓜丸。每次食放題都必點炸芝麻雞翼，炸得香脆，很juicy。燒菠蘿都係必點之一，超級甜，勁多水。如果可以切薄少少就更加好。蒜香牛油白酒煮蜆，超香白酒味，幾乎每一隻蜆都有肉，很鮮甜。另一款值得推介既係黑松露吞拿魚壽司，夠新鮮，即使細細舊，但好足料。龍蝦醬蝦多士，多士夠脆和熱，味道幾夾。自助區有幾款雪糕和雪條選擇，個人比較喜歡海鹽雪糕，超好味。每人有一杯Movenpick或Haagen Dazs雪糕一杯。