潮樓 (已結業)

今晚大班舊同事食飯，兩圍檯。呢度個view唔錯，食品都唔錯。我地食套餐。個套餐包鹵水拼盤，菜膽雞燉翅，翠玉瓜黃耳大蝦球，煎蠔餅，紅燒魚塊，雲腿娃娃菜，炒飯，水晶包。鹵水拼盤，鹵水鵝肉幾嫩滑，豆腐都幾嫩滑，香腸幾鹹香，墨魚無用人造色素，香軟好味。菜膽雞燉翅，翅好軟，個湯底好唔錯，夠味，可能有火腿粒，瘦肉同雞件。翠玉瓜黃耳大蝦球，呢個菜幾爽口，因各款配料都很爽口，唔錯。煎蠔餅，呢個煎蠔餅煎得好香脆。紅燒魚塊，魚塊好香軟，不過呢個略鹹。雲腿娃娃菜，幾唔錯，淋淋的，都幾香火腿味。炒飯，水晶包，standard quality.總括來說，呢度ｄ碟頭好大，不過都唔錯。其實可以再來。