紅跑車越南餐室 (已結業)

已經差不多兩個月前嚟過，上次係食豬手肥牛湯粉，今次就食左扎肉雞絲湯金邊粉，一碟酸辣無骨雞脚，芝心炸蝦餅同埋蒸粉包!以荃灣嚟講，今次算食得豐富，因為通常都係係茶餐廳食一碟飯一碗粉咁…上次試過好味，今次同埋老媽子食!扎肉雞絲湯金邊粉味道好好，湯底一流，加d青檸汁更好食，酸辣無骨雞脚媽子食唔到，因為太辣，食晤到辣既朋友唔好叫！我就覺得好好食，因為我鐘意食辣！蝦餅同埋蒸粉包喺小巴X己經食過，都係咁好味！特別係個炸蝦餅有芝士心，加上啖啖肉，正！