陸陸雞煲火鍋 (已結業)

前幾日同朋友去咗陸陸雞煲食雞煲，今次我哋除咗黎食雞煲之外仲要食埋佢新推出嘅$298套餐。留意返呢個餐呢就係唔包醬料錢同無包飲品！但足以食到你反肚同棄械投降。花螺小食花螺夠凍爽脆可口冇得彈。招牌雞煲叫咗小辣，份量唔少有半隻雞，另外雞煲非常入味。雞煲將比較杰身，配料都唔少。洋蔥非常夠令到我呢個洋蔥之徒非常滿意！👍重點之作當然係呢個海鮮拼盤！留意番中間嗰兩隻大頭蝦係想上菜個彈仲係彈彈下，係新鮮架！入面勁多膏！另外鯇魚片係非常鮮甜，食落口係完全係新鮮嘅感覺，即係爽肉！唔會無魚味！鮑魚都唔差，唔會D肉好老！之後就要換湯底啦，大大隻龍蝦跟湯附送。龍蝦湯就比較清淡，入口無咩味精。牛肩胛片同豬肉片都非常出色，脂肪分佈幾好，唔算太肥，切得夠薄，罪惡感減低。🤭韓式泡菜餃食落好特別，有少少辣，又有泡菜粉絲係入面，韓味濃啊！白菜豬肉餃菜多肉少，岩哂後生女唔想食咁多肉，唔錯！今餐雖然比較貴，但係非常抵食！👍👍👍仲有好多唔同種類嘅菜同菇，任君選擇。