影片
更多
2015-12-11
327 浏览
話說呢間小甜谷由裝修睇到佢開業，成日都經過，有次仲見到一枱有4個菠蘿係枱面，好好奇想知到底係乜東東，今日，終於都可以拉埋女朋友黎食。我地下午黎，係食afternoon tea時段，乜都想試既情況下，叫左個open face多士，有三款口味既無花果籽多士(煙三文魚牛油果配檸檬沙律汁，巴馬火腿配芝士，吞拿魚沙律配溶芝士)，每件都有蕃茄片同少少生菜絲。個碟係用木板上，個樣本身已經幾掂，加上一黎到聞到個包既麵粉好香。我食左吞拿魚沙律配溶芝士同一半巴馬火腿配芝士，女朋友好中意食煙三文魚牛油果呢樣組合咁我讓俾佢啦，唔好睇少每一件多士，我地食完都半飽。吞拿魚沙律配溶芝士，係一舊用黑椒醃既厚切生吞拿魚粒，好濃吞拿魚味之餘，係零腥味。巴馬火腿配芝士黎講呢，難得俾既巴馬火腿唔差，唔會有筋，肥既部分係鬆化易咬開，個煙燻味唔會淡茂茂。三文魚牛油果我就無食，但女朋友都話個三文魚唔係用垃圾貨源，係真係有魚油味既。個法包本身真係烘得好好味，外面脆口入面好鬆，個無花果籽同少少提子乾加埋，令個包除左原有既麵粉甜味，仲有nuts既甜甜地。蕃茄片同少少生菜絲係真係爽脆，唔係雪到死哂，真係幾有水準！我地都叫左個菠蘿！原來個原
話說呢間小甜谷由裝修睇到佢開業，成日都經過，有次仲見到一枱有4個菠蘿係枱面，好好奇想知到底係乜東東，今日，終於都可以拉埋女朋友黎食。
我地下午黎，係食afternoon tea時段，乜都想試既情況下，叫左個open face多士，有三款口味既無花果籽多士(煙三文魚牛油果配檸檬沙律汁，巴馬火腿配芝士，吞拿魚沙律配溶芝士)，每件都有蕃茄片同少少生菜絲。
個碟係用木板上，個樣本身已經幾掂，加上一黎到聞到個包既麵粉好香。我食左吞拿魚沙律配溶芝士同一半巴馬火腿配芝士，女朋友好中意食煙三文魚牛油果呢樣組合咁我讓俾佢啦，唔好睇少每一件多士，我地食完都半飽。吞拿魚沙律配溶芝士，係一舊用黑椒醃既厚切生吞拿魚粒，好濃吞拿魚味之餘，係零腥味。巴馬火腿配芝士黎講呢，難得俾既巴馬火腿唔差，唔會有筋，肥既部分係鬆化易咬開，個煙燻味唔會淡茂茂。三文魚牛油果我就無食，但女朋友都話個三文魚唔係用垃圾貨源，係真係有魚油味既。個法包本身真係烘得好好味，外面脆口入面好鬆，個無花果籽同少少提子乾加埋，令個包除左原有既麵粉甜味，仲有nuts既甜甜地。蕃茄片同少少生菜絲係真係爽脆，唔係雪到死哂，真係幾有水準！
我地都叫左個菠蘿！原來個原個菠蘿正是鮮榨神奇菠蘿汁，原個菠蘿肉打爛做果汁，咁樣上俾人真係好霸氣！多到我地2人飲係僅僅飲哂，咁樣整果汁係最原汁原味！55蚊，係好抵飲！
宇治抹茶軟雪糕配抹茶卷($68)
果杯係原杯抹茶，飲落有淡淡抹茶味，對於未試過咁樣飲抹茶既我地係幾新鮮，但始終中國茶都係比較啱我地口味。個抹茶卷係有心思既，唔係得一個圈，係有卷過，蛋糕味幾香，入面既紅豆蓉唔差但仲有進步空間，而家個紅豆蓉味比較淡。但係個抹茶軟雪糕真係唔係講笑，好味到爆！個抹茶味好出，每一啖都好有抹茶既甘味，同埋個雪糕真係好滑，直頭要搶住食！
不過如果將枱可以大返小小就太好，因為樣樣嘢都好大舊，將枱真係好勉強夠用。
整體黎講，嘢食呢個價錢加呢個質素加呢個份量都真係超哂班！
张贴
