影片
更多
2020-05-31
64 浏览
早排食完一次，好掛住佢個烤魚，今日就帶細妹嚟食。😋Book咗6:30 ，放工來到差唔多，門口隻吹氣公仔真係好令人深刻，細妹第一次嚟，都係全靠呢隻吹氣公仔令佢唔使搵咁多冤枉路。一入到去，職員都不忘做最緊要嘅事——探熱，呢間餐廳好科技化，竟然可以掃QR code喺電話落order，超方便。兩個人又係眼闊肚窄，上次食咗桂花魚，今次想試吓明爐香檸汁烏頭魚，另外仲叫咗咖喱炒蜆，幾款串燒，泰式炸魚餅… …冬陰功：好夠味，飲完唔會好頸渴，材料好足，每人有一隻大蝦，都幾新鮮，分量剛剛好。明爐香檸汁烏頭魚：最期待嘅一樣，好鍾意烏頭魚本身嘅口感，香檸汁越煮越出味，酸酸地，加埋其他香料調成嘅汁同條魚好夾。串燒臘腸：平時食中式臘腸食得多，泰式嘅又係點嘅呢？其實同中式差唔多，但係原來燒烤咁樣食都好得意，表層甜甜地，燒來食仲多咗d焦香。串燒安格斯牛柳粒：每次食串燒都必叫，不過有啲會燒到好韌，但係佢又吾會，仲有少少筋位，口感吾錯，而且牛肉好靚，唔使點樣落調味料，牛味已經好香。咖喱炒蜆：超級送飯系列，辣到啱啱好（因為我哋揀咗黃咖喱），粒粒蜆都脹卜卜，啖啖肉。燒豬肉：唔算好特別，但味道都唔錯嘅。泰式炸魚餅：喺泰國食過一
Book咗6:30 ，放工來到差唔多，門口隻吹氣公仔真係好令人深刻，細妹第一次嚟，都係全靠呢隻吹氣公仔令佢唔使搵咁多冤枉路。
一入到去，職員都不忘做最緊要嘅事——探熱，呢間餐廳好科技化，竟然可以掃QR code喺電話落order，超方便。
兩個人又係眼闊肚窄，上次食咗桂花魚，今次想試吓明爐香檸汁烏頭魚，另外仲叫咗咖喱炒蜆，幾款串燒，泰式炸魚餅… …
冬陰功：好夠味，飲完唔會好頸渴，材料好足，每人有一隻大蝦，都幾新鮮，分量剛剛好。
明爐香檸汁烏頭魚：最期待嘅一樣，好鍾意烏頭魚本身嘅口感，香檸汁越煮越出味，酸酸地，加埋其他香料調成嘅汁同條魚好夾。
串燒臘腸：平時食中式臘腸食得多，泰式嘅又係點嘅呢？其實同中式差唔多，但係原來燒烤咁樣食都好得意，表層甜甜地，燒來食仲多咗d焦香。
串燒安格斯牛柳粒：每次食串燒都必叫，不過有啲會燒到好韌，但係佢又吾會，仲有少少筋位，口感吾錯，而且牛肉好靚，唔使點樣落調味料，牛味已經好香。
咖喱炒蜆：超級送飯系列，辣到啱啱好（因為我哋揀咗黃咖喱），粒粒蜆都脹卜卜，啖啖肉。
燒豬肉：唔算好特別，但味道都唔錯嘅。
泰式炸魚餅：喺泰國食過一次之後就迷上咗佢了，見到餐牌上張相似模似樣，就叫咗佢嚟試，果然同我之前喺泰國食嘅差唔多，不過唔係好食得辣嘅我哋，食咗半個已經要飲可樂，但係都係忍唔住繼續食落去🤣
兩個人叫到一枱野，果然係眼闊肚窄，最後決定留返魚餅打包比屋企人食，點知我哋叫職員比外賣盒我哋時，佢見到我哋剩返咁多魚餅，即刻問我地係咪佢哋整得唔好食，當然我解釋返係因為我哋叫得太多，但好欣賞佢哋好主動問客人意見，從而作出改善。
张贴
