影片
更多
2016-02-23
1940 浏览
想食餐好，於是同同事一早訂好位，今日去到呢間想試好耐既「飲茶」，一次過叫晒所有得意同想食既點心！「睇住流奶」($49)，個名夠衰，個樣仲抵死。眼仔碌碌又無嘴，我戳一個俾佢，即時流奶，好似白痴仔，笑死我！其實佢係流心奶黃包黎，都幾有鹹蛋香，個包蒸得軟綿綿，最啱小朋友食。一不離二，叫埋呢三隻豬八戒黎影相先，「一籠八戒」($49)，肥嘟嘟咁好得意！其實佢地係叉燒包，同普通叉燒包一樣，入面有肉同叉燒醬，唔會話好多肥豬肉，有水準，唔會得個樣。之前睇相，已經好想叫呢個「鴿吞鳳梨」($59)，用雀籠上，精緻到爆！呢籠雀其實係鳳梨酥，屬於甜品，好靚，同時亦好好味，外皮酥脆，入面既菠蘿餡甜香，皮同餡既分布適中，唔會太甜，有姿勢又有實際，必食推介！「干媽蘿蔔」($59)，即XO醬炒蘿蔔糕，現場好多人叫，蘿蔔糕外層煎得香口，入面軟綿，辣辣地好惹味；伴碟係炸蓮藕片，香脆。成碟都好味，只可惜分量太少。「尖筒糯米」($49)，係糯米飯黎，入面有少少蝦米、臘腸、香葱咁，飯蒸得好腍，有鹹香，好食。「透明波波」($49)，即素菜餃，入面係蔬菜、粟米、紅蘿蔔，呢個相對普通，可以唔點。「有色蝦餃」($59)，上面染左顏色同
「睇住流奶」($49)，個名夠衰，個樣仲抵死。眼仔碌碌又無嘴，我戳一個俾佢，即時流奶，好似白痴仔，笑死我！其實佢係流心奶黃包黎，都幾有鹹蛋香，個包蒸得軟綿綿，最啱小朋友食。
一不離二，叫埋呢三隻豬八戒黎影相先，「一籠八戒」($49)，肥嘟嘟咁好得意！其實佢地係叉燒包，同普通叉燒包一樣，入面有肉同叉燒醬，唔會話好多肥豬肉，有水準，唔會得個樣。
之前睇相，已經好想叫呢個「鴿吞鳳梨」($59)，用雀籠上，精緻到爆！呢籠雀其實係鳳梨酥，屬於甜品，好靚，同時亦好好味，外皮酥脆，入面既菠蘿餡甜香，皮同餡既分布適中，唔會太甜，有姿勢又有實際，必食推介！
「干媽蘿蔔」($59)，即XO醬炒蘿蔔糕，現場好多人叫，蘿蔔糕外層煎得香口，入面軟綿，辣辣地好惹味；伴碟係炸蓮藕片，香脆。成碟都好味，只可惜分量太少。
「尖筒糯米」($49)，係糯米飯黎，入面有少少蝦米、臘腸、香葱咁，飯蒸得好腍，有鹹香，好食。
「透明波波」($49)，即素菜餃，入面係蔬菜、粟米、紅蘿蔔，呢個相對普通，可以唔點。
「有色蝦餃」($59)，上面染左顏色同金箔，即刻高級晒。鮮蝦爽口彈牙，唔錯。
「近墨者黑」($99)，墨魚汁蛋白海鮮飯，入面有鮮蝦同帶子，呢個我略嫌油膩，食左一碗就夠晒，如果大家唔太肚餓，建議食點心就夠。
「蘋果花撻」($49)，呢個又係之前睇相已想叫，成朵玫瑰花咁，真係好靚！撻上面既係新鮮蘋果片，爽甜，加上左肉桂粉，清香。
其實呢度既環境同食物，甚至隻碟都真係好靚，全部都要相機先食，影影影狂影好耐先捨得食，所以大家真係要預留充裕時間先至好黎！
张贴
