越發地道河內料理

营业中

休息中

每次行過旺角，都會諗起依一間好食嘅越南餐廳。平時每次想食嘅時候，餐廳出面都會排勁。好彩今次午市都唔算好多人，等咗兩張枱就到我哋。入到去一定必要我嘅最愛，就係呢度地道炭燒豬肉配越南檬粉。佢呢個檬粉食法都幾特別，唔係平時嗰啲用湯浸住嘅粉，而係要你自己將份放入去個湯，而且每一扎嘅粉都係一啖嘅份量，食起上嚟好方便。至於佢個湯底係用炭燒左嘅豬肉整成，再加左唔同嘅越南香料味道非常之濃郁唔好睇佢個碗好細碗，但係入面其實都有幾舊豬肉，每舊肉都好結實，而且豬肉非常入味。如果唔夠嘅朋友亦都可以再另外加檬粉嘅份量。