明記麵食

营业中

休息中

呢間超迷你店由細食到大，聽聞真係推住車仔檔賣麵賣到上舖。(今次仲唔係貨真價實嘅車仔麵？ ）-咁多年嚟，佢來來去去幾款餸，麵嘅選擇亦都唔多，唔係油麵就係米粉，唔好預會有上海麵薯粉菠菜麵。但好嘢唔需要多，蘿蔔入味清甜、豬腸乾淨嫩滑又有咬口，好地獄，好正。-識叫一定叫豬紅，我敢講，你喺出邊唔會食到同類型嘅豬紅，又滑又大件，好厚身，秘製汁料咸咸香香，打緊字都流緊口水〽️美中不足係份量有啲細，座位就更加係超迷你，又細又迫，肥咗少少🤏都要減肥先入到去。如果住附近或者附近工作，建議外賣。