影片
更多
2021-06-08
99 浏览
👨🏻晌奧海城附近返工因此我哋間中都會去大角咀揾食今次又嚟The Point開餐好鍾意食佢哋嘅手工pizza由於當日好肚餓 我哋全部都係叫澱粉質😂但樣樣都好食！甜品都好正，好滿足！.🔸餐湯 - 椰菜花忌廉湯👍🏻好香好滑，加咗啲蒜油，令味道更惹味，見到有啲打碎咗嘅肉碎，所以味道豐盛濃郁。.🔸跟餐 - 自家製煙三文魚配茴香沙律三文魚咸香彈牙，蔬菜新鮮，仲有啲紅石榴粒，好健康！.🔸香辣番茄醬炆肉丸👍🏻番茄醬口味比較意大利風🇮🇹，酸酸尾尾帶點香草味，好開胃，淋上烘到脆卜卜嘅麵包上嚟食，超好味😋。手工肉丸好鬆軟，有啲黑椒同香草嘅味。.🔸腐乳番茄汁長通粉👍🏻出奇地好好味！❤️腐乳同洋蔥番茄汁好夾，食落似梅香芝士配茄汁咁，好惹味！長通粉彈牙，成個都好味！我加埋上一碟嘅肉醬一齊食，勁夾！.🔸食肉獸pizza (9 吋)👍🏻上次食過就已經愛上，手工pizza嘅餅皮薄身，煙韌有彈性，餅邊好似餅乾咁脆，好好食！餡料係肉腸+肉腸，仲有滿滿芝士，啖啖滋味。.🔸提拉米蘇阿法奇朵👍🏻咖啡酒、蛋糕、手指餅、芝士、雪糕，由底由面一層層咁舖上，即叫即整，食嘅時候再淋上咖啡，因為手指餅仲係脆身，又有海綿蛋糕，口感比一般嘅tir
因此我哋間中都會去大角咀揾食
今次又嚟The Point開餐
好鍾意食佢哋嘅手工pizza
由於當日好肚餓 我哋全部都係叫澱粉質😂
但樣樣都好食！
甜品都好正，好滿足！
.
🔸餐湯 - 椰菜花忌廉湯👍🏻
好香好滑，加咗啲蒜油，令味道更惹味，見到有啲打碎咗嘅肉碎，所以味道豐盛濃郁。
.
🔸跟餐 - 自家製煙三文魚配茴香沙律
三文魚咸香彈牙，蔬菜新鮮，仲有啲紅石榴粒，好健康！
.
🔸香辣番茄醬炆肉丸👍🏻
番茄醬口味比較意大利風🇮🇹，酸酸尾尾帶點香草味，好開胃，淋上烘到脆卜卜嘅麵包上嚟食，超好味😋。手工肉丸好鬆軟，有啲黑椒同香草嘅味。
.
🔸腐乳番茄汁長通粉👍🏻
出奇地好好味！❤️腐乳同洋蔥番茄汁好夾，食落似梅香芝士配茄汁咁，好惹味！長通粉彈牙，成個都好味！我加埋上一碟嘅肉醬一齊食，勁夾！
.
🔸食肉獸pizza (9 吋)👍🏻
上次食過就已經愛上，手工pizza嘅餅皮薄身，煙韌有彈性，餅邊好似餅乾咁脆，好好食！餡料係肉腸+肉腸，仲有滿滿芝士，啖啖滋味。
.
🔸提拉米蘇阿法奇朵👍🏻
咖啡酒、蛋糕、手指餅、芝士、雪糕，由底由面一層層咁舖上，即叫即整，食嘅時候再淋上咖啡，因為手指餅仲係脆身，又有海綿蛋糕，口感比一般嘅tiramisu 更豐富，咖啡味都好濃，芝士好香好滑！值得試！
张贴
