素菲亞 (大富樓) (已結業)

今日又跟素食朋友仔去搵食。今次吾使過海咁遠啦，呢次朋友仔帶路，去咗大角咀《素菲亞》餐廳，裝修清新簡約。同朋友傾開發覺近年真係多咗好多新派素食餐廳，食物種類、選擇已經多咗好多花款，而且很多都做到色香味俱全。而呢間《素菲亞》餐廳更是一間全走五辛的素食餐廳添。朋友極力推介一定要試佢嘅焗飯，焗飯系列有三款選擇，最後決定揀咗「黑椒雞扒焗飯」，焗飯面鋪了三色椒，色澤故然搶眼，加上一上枱香噴噴，已經即刻急不及待好想食，估唔到又真係焗得幾香脆可口啵。另外再要了個「聚素鍋配麵」，湯底有野菜清湯或川味麻辣湯供選擇。我們決定試吓野菜湯底，估唔到原來素菜湯都可以咁清甜。另外追加了素丸和素餃子，素餃子味道不錯而且仲好大隻添。配埋杯熱飲，香氣撲鼻嘅茉莉花茶；同埋濃厚清新嘅荔枝青檸梳打。今日再一次對素菜又有新感覺了。