杏香園 (已結業)

最近工作繁忙到一個點, 需要一點甜去平衡下, 就去左九龍城食糖水~雖然九龍城既糖水選擇好多, 尤其好多都新式糖水, 但今次揀既係間傳統糖水。好耐無見過款式咁齊全既舊式糖水, 尤其係馬蹄露杏仁糊呢類製成需時既糖水, 店員話無論哪邊都係佢地自家製, 所以完全無開粉呢D情況, 就是真材實料喔, 試完覺得的確係有水準!芝麻糊係自家由芝麻磨成, 杰身度未係最高, 但以香滑為主, 驚喜位反而係芝麻湯丸, 有好多粒之餘, 內饀係用左白芝麻呢!!白芝麻同平時黑芝麻既香又唔同, 而且無出面果啲好多豬油杰身既感覺, 所以即使食哂都唔會漏呢!!另外叫左呢個既最招牌: 蛋白杏仁茶! 雖然我本身對杏仁茶好感不大, 但竟然不知不覺飲左好多! 杏仁香濃但不突兀, 先幽香再慢慢滲出黎, 最正係有好多白果蓮子, 唔會偷工減料! 甜度亦唔高~~ 見有馬蹄露咁特別, 又再叫埋黎食, wow一食唔係馬蹄粉果種杰他他既漿糊感, 而係真係有馬蹄粒粒, 順口而不漏, 馬蹄隱隱既爽口令成個糖水口感rich左, 如果您未食過馬蹄露, 好建議大家要叫呢個黎試啊!!!!