快樂小羊火鍋餐廳 (裝修中)

好耐冇食過羊肉啦，一見到餐廳名「快樂小羊」就二話不說go go go！餐廳有三層，地方好大好寬敞，環境舒服，通風抽氣都做得唔錯，唔係好聞到羊膻火鍋味。鍋底選擇左「成雙」鍋，鴛鴦一半清湯一半辣湯，清湯用左不同藥材制成，藥饍味重，料多有誠意，味道濃郁。主打當然係羊肉，我地點左「羊羊大拼盤」，份量足，羊肉鮮嫩，油脂分佈平均，而且羊膻味淡香不腥 (唔食羊既朋友都可以一試) ，輕輕涮十幾秒剛好嫩滑，引出羊肉鮮味，好好味呀~ 手工蟹籽墨魚滑，彈牙爽口！而且一份有三條，絕對抵食！蔬菜拼盤，簡直超值，一大籃咩菜都有，賣相又好睇。另外仲點左蒙式烤串同羊小排，羊肉灑上孜然粉烤，夠火喉，烤得非常惹味而且帶肉汁入味，用鐵板上烤肉香更強烈，期望下次多人可以點烤全羊，哈哈 😄