太子燒味

又到下午茶時間，今日突然好想食貴為全球50大美食排行榜中之西多士，個人認為奶茶配西多士係最好朋友。
首先奶茶先上，都算奶香茶滑，夠熱，係合格嘅，但見到個杯就唔係好開胃，好殘舊，杯有少許崩邊，大打折扣。
等咗10分鐘，西多士終於上枱，厚度適中，夾粗粒花生醬有𡁻口，單看色澤，炸得沒有過火，吃落口感不油膩，有蛋香。
吃西多士最開心就係看著牛油慢慢溶化，接著把糖漿全部淋上去，切一件放入口時真係好療癒，真係慶幸世界上有西多士這款美食。