新麻蒲 BBQ (形點) (已結業)

去左元朗Yoho食韓式燒肉，原本我book左7:30pm，但早左10mins到，侍應叫我照坐住等朋友。望左個menu，好似食set會抵過散叫。平時都成日食豬肉，於是今次我地叫左個牛肉套餐（大） $698。由於唔太鐘意食部隊鍋，我地升級$28叫左個全州拌飯。牛肉套餐第一層係特選什錦拼盤，有大蝦，菇，香腸，年糕。第二，三層分別係霜降牛肉，牛肋排，秘制排骨同埋牛五花腩。d牛望落好新鮮，呢款牛肉套餐可以食到牛嘅唔同質感。之後就係霜降牛肉壽司，本身係生牛肉黎，侍應會問你想要幾多成熟，用火鎗幫我地燒，呢款牛壽司都好味，真係入口即溶。最後就係全州拌飯，其實都係一般韓式餐廳嘅菜式。呢個餐絕對夠2人享受。