姐老了打邊爐開始有要求 重質都重量🙈今次黎到#616牛肉火鍋專門店 之前有朋友食過元朗嗰間話好正 今日見到銅鑼灣都有分店就試下啦！呢間火鍋店真係專食牛 除左牛丸 係冇其他魚蛋芝士腸等等既火鍋料 真正全牛宴😍
呢度有好多牛既部位聽都未聽過 罕有部位什至一隻牛得一兩塊 平時真係食唔到 好彩冇令我失望 湯底有 #牛骨清湯 同 #牛雜湯底 揀 因為食靚牛怕牛雜湯底搶哂啲味 所以揀個清清地既湯底 都有好多牛腩同牛骨喺入面 好喇 到主菜 排名分先後：
#牛朴肉 又名 #雪花 最軟稔同雪花最均勻 枱面有圖教您每個部位要幾多秒 大約3-8秒不等 真正靚既牛係唔怕生架 (dor平時据牛扒都要3成熟🙈) 呢個部位最正
#牛駝峰 脂肪比例較多所以好軟好滑 牛味好重 完全唔需要點醬黎食 清湯一過水就食得 超正
#吊龍伴 呢個應該係肌肉位 比較爽口啲 不過最重肉味 基本上全餐冇用過佢啲醬料
#熟板筋 好好味既牛筋丫 好重骨膠原 好味
#招牌慢煮牛腩 本身熟既 係灼返熱佢 因為其他好驚喜 呢個顯得冇乜特別 但都幾好食
呢個店開左冇耐 店員都好有禮貌介紹唔同牛既部位 用ipad點餐好方便 點菜後店員仲會俾個沙漏您 如果過哂時間啲野都未黎仲免費tim 不過冇機會用到 因為上菜好快😂
各位牛魔王如果想食高質牛火鍋可以考慮試下
Btw 我見其他分店有個二人套餐有個牛盤有哂咁多個部位 樣樣都試下先好食再叫 可以考慮下銅鑼灣都引入二人套餐丫
