影片
更多
2023-12-07
101 浏览
榴槤控有福啦，最近有個朋友去完旺角創興廣場嘅泰金鍋，貓山王無限量火鍋任食，我雖然唔食榴槤，不過聽講呢間餐廳主打泰式食品，一於嚟試試先。打邊爐就打得多啦，泰式打邊爐就真係第一次食。 門口位已經有兩張沙灘椅場景可以打卡，又有啲服裝比你體驗，充滿泰式風情🏝，啱晒一眾喜歡打卡嘅女士們。 餐廳另一個賣點當然係兩個大型海鮮池，放滿每日新鮮運到嘅本地養殖海蝦🦐，可以比客人任夾流水蝦，有得玩又有得食，一樂也！啲蝦真係好新鮮，隻隻都紮紮跳。 火鍋湯底亦有唔同選擇，當中亦包括多款特色泰式湯底，例如：檸檬香茅鍋、泰金冬蔭功鍋、 馬來娘惹喇沙鍋，青檸椰奶雞湯鍋， 我點咗呢個青檸椰奶雞湯鍋真係要介紹一下，椰香味十足，飲一口湯底已經感覺齒頰留香🤤。 餐廳亦提供3個級別嘅牛肉，今次揀咗中價級嘅澳洲產極選肩胛牛小排，肉嘅質素比我想像中更好，牛味濃郁，肉質相當嫩滑👍。 除咗肉類之外，亦都有超過90款食材及飲品，當然唔少得泰式小食和地道美食，例如串燒、泰國產地炸物、秘制海南雞、自製色彩繽紛嘅珍多冰，感覺真係好似去咗一趟泰國咗，一次過試晒咁多款唔同嘅泰國美食🤤。
榴槤控有福啦，最近有個朋友去完旺角創興廣場嘅泰金鍋，貓山王無限量火鍋任食，我雖然唔食榴槤，不過聽講呢間餐廳主打泰式食品，一於嚟試試先。打邊爐就打得多啦，泰式打邊爐就真係第一次食。
門口位已經有兩張沙灘椅場景可以打卡，又有啲服裝比你體驗，充滿泰式風情🏝，啱晒一眾喜歡打卡嘅女士們。
餐廳另一個賣點當然係兩個大型海鮮池，放滿每日新鮮運到嘅本地養殖海蝦🦐，可以比客人任夾流水蝦，有得玩又有得食，一樂也！啲蝦真係好新鮮，隻隻都紮紮跳。
火鍋湯底亦有唔同選擇，當中亦包括多款特色泰式湯底，例如：檸檬香茅鍋、泰金冬蔭功鍋、 馬來娘惹喇沙鍋，青檸椰奶雞湯鍋， 我點咗呢個青檸椰奶雞湯鍋真係要介紹一下，椰香味十足，飲一口湯底已經感覺齒頰留香🤤。
餐廳亦提供3個級別嘅牛肉，今次揀咗中價級嘅澳洲產極選肩胛牛小排，肉嘅質素比我想像中更好，牛味濃郁，肉質相當嫩滑👍。
除咗肉類之外，亦都有超過90款食材及飲品，當然唔少得泰式小食和地道美食，例如串燒、泰國產地炸物、秘制海南雞、自製色彩繽紛嘅珍多冰，感覺真係好似去咗一趟泰國咗，一次過試晒咁多款唔同嘅泰國美食🤤。
张贴
