燧記廚房 (荔安大廈) (已結業)

今晚去西營盤探朋友，帶左我黎呢間燧記廚房，話係全港第一間機械人廚房🤖既然係咁，就梗係要睇下乜東東😳個店員好有心機，同我地介紹左成個製作程序。大致係人手準備好食材份量後，擺喺特定位置，部機器就會按時自動加入食材煮，全程機械操作，煮大概兩、三分鐘，煮完後自動上碟。店員話個機械係港大學生設計，而家申請緊專利😱👍🏻👍🏻欣賞完製作過程後，我地就品嘗下菜式。兩個人，叫左三個餸 - 宮保雞丁、黑椒牛柳、紅燒馬鈴薯排骨，跟埋白飯、湯，份量岩岩好，食飽飽😋啲餸味道濃郁，材料新鮮，餐牌上就話小🌶，食落又👌🏻。如果唔講，完全以為係人手炒，証明香港既創科都好有水準😆👍🏻朋友話鍾意黎呢度食，除左因為機械操作夠特別，套餐價錢平實之外，就係店舖環境同食物帶俾佢既住家味道🏠😋呢樣我都同意。在我黎講，最欣賞既係自家香港設計，製作到同人手煮出黎一樣水準既食物，好值得支持😊👍🏻