影片
更多
2022-08-17
757 浏览
餐廳裝修故色故香，除左參照北京老胡同巷設計，仲加入左好多中國元素令成個環境更中式更有氣派！！傳統拱月門，木屏風，中式百子櫃等等每個設計基本上都係打卡位📸加上餐廳係無柱設計，基本上每個位都可以望到180度維港大海景，如果食晚餐仲可以望住日落由天光食到天黑🌅🌃今次想試晒所有招牌菜所以叫左dinner tasting menu，份量足夠，CP值高，飽到捧住個肚走🤰🏻➖➖➖➖➖➖➖➖➖➖➖▪️𝘽𝙚𝙚'𝙨 𝘿𝙧𝙚𝙖𝙢 𝘾𝙤𝙘𝙠𝙩𝙖𝙞𝙡▪️▫️蜂蜜檸檬菠蘿Gin特飲▫️打頭陣既cocktail酸酸甜甜，好開胃🍸酒味唔係好重，連平時唔係好飲酒既我都接受到😬如果唔想飲酒的話亦都可以換成汽水或者果汁🙌🏻▪️𝘿𝙞𝙢 𝙎𝙪𝙢 𝙋𝙡𝙖𝙩𝙩𝙚𝙧▪️▫️黑椒和牛酥個樣好似同平時食既蘿蔔絲酥卷一樣，特別一提係入面既和牛整得超淋！！😍😍配埋黑椒粒辣辣地放入口幾特別▫️竹炭魚香咸水角全黑色既咸水角真係第一次食🤣🤣個皮做得好脆好香，咬落去仲有啖啖醎魚香味，食完一粒又會想食多粒▪️𝘼𝙥𝙥𝙚𝙩𝙞𝙨𝙚𝙧▪️▫️松露鮑魚▫️雞樅菌香煎北海道帶子本來最怕海鮮會整到好韌，點知真係擔心太多😆鮑魚同帶子都好鮮甜好彈牙！！特別係帶子，煎完之後海鮮既甜味仲出左，估
加上餐廳係無柱設計，基本上每個位都可以望到180度維港大海景，如果食晚餐仲可以望住日落由天光食到天黑🌅🌃今次想試晒所有招牌菜所以叫左dinner tasting menu，份量足夠，CP值高，飽到捧住個肚走🤰🏻
➖➖➖➖➖➖➖➖➖➖➖
▪️𝘽𝙚𝙚'𝙨 𝘿𝙧𝙚𝙖𝙢 𝘾𝙤𝙘𝙠𝙩𝙖𝙞𝙡▪️
▫️蜂蜜檸檬菠蘿Gin特飲▫️
打頭陣既cocktail酸酸甜甜，好開胃🍸酒味唔係好重，連平時唔係好飲酒既我都接受到😬如果唔想飲酒的話亦都可以換成汽水或者果汁🙌🏻
▪️𝘿𝙞𝙢 𝙎𝙪𝙢 𝙋𝙡𝙖𝙩𝙩𝙚𝙧▪️
▫️黑椒和牛酥
個樣好似同平時食既蘿蔔絲酥卷一樣，特別一提係入面既和牛整得超淋！！😍😍配埋黑椒粒辣辣地放入口幾特別
▫️竹炭魚香咸水角
全黑色既咸水角真係第一次食🤣🤣個皮做得好脆好香，咬落去仲有啖啖醎魚香味，食完一粒又會想食多粒
▪️𝘼𝙥𝙥𝙚𝙩𝙞𝙨𝙚𝙧▪️
▫️松露鮑魚
▫️雞樅菌香煎北海道帶子
本來最怕海鮮會整到好韌，點知真係擔心太多😆鮑魚同帶子都好鮮甜好彈牙！！特別係帶子，煎完之後海鮮既甜味仲出左，估唔到係中菜廳連海鮮都做到咁高質🍴
◾️𝙈𝙖𝙞𝙣 𝘾𝙤𝙪𝙧𝙨𝙚▪️
▫️金蒜虎蝦
虎蝦配金蒜呢個組合本來已經天衣無縫💯隻蝦又大隻又爽口，絕對唔會因為tasting menu就揸流攤！個醬惹味得黎又唔會話蓋過晒蝦既鮮味，不過略嫌有小小辣🌶
▫️花椒金湯桂花魚
魚肉份量夠多夠嫩滑🥢但因為咸蛋味冇話好出所以味道冇話好驚艷，但入面d萵筍煮到好爽口，配飯食真係一流😚
▪️𝙎𝙞𝙜𝙣𝙖𝙩𝙪𝙧𝙚 𝙎𝙝𝙖𝙧𝙞𝙣𝙜 𝘿𝙞𝙨𝙝𝙚𝙨▪️
▫️火焰胡椒片皮鴨
額外加左HK$368 叫埋餐廳招牌菜但竟然有小小失望☹️呢個片皮鴨相對比較普通，部分鴨肉仲燒到有小小乾，值得一提既係師傅係上菜前會係你面前再用火燒一轉，所以層皮係好脆✨當表演睇都還好～不過唔知係唔係因為餐廳冷氣太大所以d野食超快凍，塊皮放左兩分鐘都冇已經凍晒食落好硬😩
▪️𝙎𝙞𝙙𝙚𝙨▪️
▫️乾煸四季豆
用豬肉碎炒香四季豆，又咸又香食到停唔到，真係做得唔錯😆味道又會比其他地方食到既甜小小！
▫️櫻花蝦雞粒蛋白炒飯
食到呢到基本上已經飽死，但炒飯竟然仲驚艷到我😱😱飯炒得乾身之餘仲要粒粒分明，料多到每啖都會食到櫻花蝦同雞粒，高質！
▪️𝘿𝙚𝙨𝙨𝙚𝙧𝙩𝙨▪️
▫️龍井奶凍
茶味好出，奶又夠滑，可以話係我食過最滑既奶凍💯
▫️焦糖海鹽朱古力糯米糍
食完奶凍仲有糯米糍，店員上菜個陣提到因為入面係流心所以要小心辣親！一咬落去真係會爆晒朱古力出黎，朱古力味同海鹽真係配合得好好🤣🤣超好食！
➖➖➖➖➖➖➖➖➖➖➖整體黎講，呢到既食物質素，裝修同環境絕對配得上呢個價錢！環境比較暗，同出面既夜境形成左一個好強烈嘅對比🌃浪漫得黎又有氣派，情侶朋友慶祝生日絕對唔失禮！建議大家黎可以request坐角落頭位，咁就可以比兩邊既維港海景包圍住😚🤍鐘意中菜既朋友仔可以一試！
➖➖➖➖➖➖➖➖➖➖➖
✪ 味道: 🌕🌕🌕🌕🌑
✪ 環境: 🌕🌕🌕🌕🌕
✪ 性價比: 🌕🌕🌕🌕🌑
✪ 人均消費: $1000 p.p
✪ 用餐時段: 晚餐 (星期六)
张贴
