影片
更多
2021-03-18
1071 浏览
講起豬手好多人會諗起德國菜🇩🇪，點知今次竟然喺間西班牙餐廳搵到超驚喜爆脆豬手‼️據移居西班牙友人非官方認證，佢睇到我嘅圖片同menu 表示𠵱間嘢至少喺食物煮法、食材配搭，用料上都好正宗，例如供應Madrid 經典品牌啤酒🍻Mahou，我都係第一次飲，麥味好香，偏重口味，濃得嚟幾有層次，唔會苦澀，不過，如果你鍾意果味/淡啤酒就未必啱。另一正宗菜式係馬介休薯球，炸得好脆好薄，一啖咬落去，成口薯蓉，中間用咗Jamón，增添咸香風味。除此以外，我哋仲嗌咗前菜慢煮八爪魚🐙切片嘅經典冷盤，下面有薯仔🥔薄片墊底，個八爪魚好軟綿綿，似少女嘅面珠墩，大滿足🥰主菜係秘製招牌香脆咸豬手，香烤牛肋骨配脆薯條🍟同埋香煎帶子忌廉菠菜汁意大利飯，樣樣都比預期更好，豬手爆裂級咁脆，皮脆肉嫩之完美演繹，食唔停口一啲都唔膩，酸菜唔會過酸，調味淡身啲，配合埋個豬手恰到好處。牛肋骨啖啖肉，肥瘦相間，煮得好淰身，唔會對牙齒有太大負擔，醬汁甜甜地有焦糖味，好夾牛肉嘅味道。至於個飯反而無咩特別，但都交出應有水準，個飯有嚼口唔會淋到一pak嘢咁，帶子亦夠大粒，煎得香滑。甜品🍮叫咗全份窩夫配朱古力同草莓🍓 Mövenpick雪糕，上枱嚇
據移居西班牙友人非官方認證，佢睇到我嘅圖片同menu 表示𠵱間嘢至少喺食物煮法、食材配搭，用料上都好正宗，例如供應Madrid 經典品牌啤酒🍻Mahou，我都係第一次飲，麥味好香，偏重口味，濃得嚟幾有層次，唔會苦澀，不過，如果你鍾意果味/淡啤酒就未必啱。
另一正宗菜式係馬介休薯球，炸得好脆好薄，一啖咬落去，成口薯蓉，中間用咗Jamón，增添咸香風味。除此以外，我哋仲嗌咗前菜慢煮八爪魚🐙切片嘅經典冷盤，下面有薯仔🥔薄片墊底，個八爪魚好軟綿綿，似少女嘅面珠墩，大滿足🥰
馬介休薯球
9 浏览
0 赞好
0 留言
主菜係秘製招牌香脆咸豬手，香烤牛肋骨配脆薯條🍟同埋香煎帶子忌廉菠菜汁意大利飯，樣樣都比預期更好，豬手爆裂級咁脆，皮脆肉嫩之完美演繹，食唔停口一啲都唔膩，酸菜唔會過酸，調味淡身啲，配合埋個豬手恰到好處。
牛肋骨啖啖肉，肥瘦相間，煮得好淰身，唔會對牙齒有太大負擔，醬汁甜甜地有焦糖味，好夾牛肉嘅味道。
香烤牛肋骨配脆薯條
13 浏览
0 赞好
0 留言
至於個飯反而無咩特別，但都交出應有水準，個飯有嚼口唔會淋到一pak嘢咁，帶子亦夠大粒，煎得香滑。
甜品🍮叫咗全份窩夫配朱古力同草莓🍓 Mövenpick雪糕，上枱嚇親，好大陣仗，成嚿雲咁嘅棉花糖喺上面，下面係10件8件窩夫加好多雜莓，味道中規中矩，例牌嘢，但賣相一流，想氹女朋友開心可考慮。
张贴
