亞參雞飯 (上水廣場)

我都食過廿間唔同的海南雞飯，我鍾意油飯，但好多間都唔香，好似白飯咁，仲有d雞好普通，又鞋又有骨，估唔到哩間連鎖餐廳可以做得咁出色。
哩間海南雞飯我都食過有十次。其他菜都試過，一般般，係海南雞飯特別好食。佢既飯非常香，又有d油，好易入口。d雞好滑嫩，有埋d雞皮，入口即溶咁，唔洗叫雞脾已好好食。三色醬都好正。
佢配薏米水都好好，超多薏米粒，又煮到爛晒，加埋d薑絲，去水又暖胃。