道生麵館

我啱啱去北角，11:35經開道生，只有6-7個人，咁我就坐入去，點知一坐低，就知中伏！從未遇過超惡劣嘅服務態度，一個60多歲嘅女人，大聲吆喝啲客落單，啲人叫崩沙腩，佢就話冇呀，個客聽唔到佢講乜，就大大聲呼喝催促人家，表現極度不滿，當其時跟住有另外一個人叫落單，佢就大聲講，未輪到你，差唔多每個客人都比佢羞辱過，先至落到單！我先至明白佢俾張紙仔係乜用。若果想見識香港飲食業嘅至差服務，呢間肯定係3粒黑🐷。