君悅咖啡廳

营业中

休息中

之前見黃秋生出post彈呢度個海南雞飯，聞說係全港最好，今次就慕名而來一試。同一般酒店大堂餐廳差唔多，樣樣有啲，港式西式東南亞任君選擇。先嚟個麵包籃，其中左邊嗰個係蕃茄香草嘅丹麥包，都幾好味，其他都係一般硬法包。先上呢個焗豬排飯，飯底係蛋炒飯，豬排好大塊，基本上一定啖啖都有豬排，質地啱啱好，唔會靭但亦都唔係快餐店用食粉餣到霉哂。另一樣最大分別應該係個汁，個汁唔係酸酸甜甜，係咸嘅，我覺得比較似燒汁多過蕃茄汁。海南雞飯，落單會問你想要咩部位，我地冇所謂嗌左mix。海南雞飯我都唔係成日食，因為唔鍾意啲雞凍冰冰，食過文華嗰個，又真係呢度個雞滑啲，不過到底係新鮮雞定雪雞，老實講，處理得宜係好難分得出。三色醬尤其係辣醬調較得最好味。個飯都好粒粒分明，冇油膩感，但比較細碗，男士未必夠飽。味道幾好，服務唔錯，環境都開揚，不過價錢就唔多親民，成三百蚊一個海南雞飯，其實出面三分一價錢都有七成味道🙈試過算咯。