影片
更多
2019-12-25
1030 浏览
旅遊app又推出限時優惠，今次係potato corner嘅薯條promotion🍟。之前成日經過K11都見到對面勁多人排隊，一直都想試下！恰巧遇啱優惠，呢個下晝有口福喇😋。我見唔少人都係用app買XD，所以要排下隊等陣。得一個女店員負責哂店舖一切大小事務，包括落單同炸薯條，真係忙過玩經營遊戲，勁💪！望下個menu先，呢到主要就係賣薯條同芝士條，有幾個份量揀，Tera($62)、Giga($58)、Mega($34)同Jumbo($28)。唔同size可以揀嘅口味數量都唔同，味道個位見到有2款遮住咗，話sold out，例如bbq味🍖，剩返芝士同忌廉洋蔥味，第一下有啲失望，但再望下咦有限定口味喎，忌廉白松露同辣紫菜。我呢日兜薯條係Mega size，可以揀2款，咁就一於要哂2款限定啦，我最愛truffle的😍。女店員超忙，所以我都等佢慢慢炸埋目前張單，先落order，值得讚嘅係薯條真係即炸，一定新鮮同熱辣辣！唔會攤到凍哂淋哂，又唔會話邊隻口味要等喎未出爐，因為全部都要等😆。等咗陣就有得食喇，薯條粉量都唔少，塞到實一實👍。薯條係幼身嗰種，個樣似M記嗰啲，但外脆內軟好多，而且每條都充滿味粉
旅遊app又推出限時優惠，今次係potato corner嘅薯條promotion🍟。之前成日經過K11都見到對面勁多人排隊，一直都想試下！恰巧遇啱優惠，呢個下晝有口福喇😋。
我見唔少人都係用app買XD，所以要排下隊等陣。得一個女店員負責哂店舖一切大小事務，包括落單同炸薯條，真係忙過玩經營遊戲，勁💪！
望下個menu先，呢到主要就係賣薯條同芝士條，有幾個份量揀，Tera($62)、Giga($58)、Mega($34)同Jumbo($28)。唔同size可以揀嘅口味數量都唔同，味道個位見到有2款遮住咗，話sold out，例如bbq味🍖，剩返芝士同忌廉洋蔥味，第一下有啲失望，但再望下咦有限定口味喎，忌廉白松露同辣紫菜。我呢日兜薯條係Mega size，可以揀2款，咁就一於要哂2款限定啦，我最愛truffle的😍。
$34
83 浏览
0 赞好
0 留言
女店員超忙，所以我都等佢慢慢炸埋目前張單，先落order，值得讚嘅係薯條真係即炸，一定新鮮同熱辣辣！唔會攤到凍哂淋哂，又唔會話邊隻口味要等喎未出爐，因為全部都要等😆。
$34
70 浏览
1 赞好
0 留言
等咗陣就有得食喇，薯條粉量都唔少，塞到實一實👍。薯條係幼身嗰種，個樣似M記嗰啲，但外脆內軟好多，而且每條都充滿味粉。2種口味各放一邊，左邊有白色粉末嘅係忌廉白松露(Creamy Truffle)，呢個真係超級超級超級好食😋！嗰浸松露味未拎上手已經聞到勁香，食落好濃郁，但又未去到重口味level。另外，店員喺炸薯條時已經落咗啲味粉，唔同我哋平日事後先shake，所以每條味道都好均勻，好入味。右邊係辣紫菜(Spicy Nori)，呢個都ok，其實唔算辣，但白松露真係太屈機🤤，所以呢款顯得無咁特別。
總括嚟講，呢到嘅🍄白松露薯條真係好高質，認真，係好食過高級餐廳嗰啲，加上係熱辣辣炸起！不過原價就唔係好抵食，所以要留意幾時再有做優惠XD。店員雖然忙到無乜表情，但其實都幾有禮貌幾helpful，我哋問佢拎個膠袋裝住兜薯條方便啲，佢直頭幫我哋入埋😊。
张贴
