合益泰小食

营业中

休息中

深水埗好多時候比人既印象都係無野好食，其實某程度上我係認同，因為呢一區係就確實係有好多食店，但係質素上整體都唔算太高。不過，唔錯既小食喺呢一區係可以搵得到，當中其中一間我最鍾意既就係合益泰小食，呢一間小店經常都有好多人排隊，仲要2018同2019年都入選左米芝蓮街頭小食推介。米芝蓮信唔信得過就見仁見智，不過我自己覺得合益泰小食算係唔錯。合益泰既主打小食當然就係腸粉，售價係$8(細)$12(中)同$16(大)。腸粉好滑，唔會痴埋一舊，可以比客人任加甜醬同麻醬等，麻醬係重點，香得嚟令到腸粉更加滑溜。個人認為呢間既腸粉係全港做得最好既其中一間。