影片
更多
2021-08-16
38 浏览
香港嘅古早蛋糕已經多到周街都係，雖然個名好勁，都有經過一啲聞落好香嘅蛋糕，但好多食落都好普通，究竟正宗嘅古早蛋糕係咪都係咁？今次比我搵到一間與眾不同嘅古早蛋糕，除咗口感唔同、口味都唔同，係一間廣受雜誌、電視、IG介紹既人氣小店。係深水埗既呢間「囍源古早味蛋糕」，係2020年開業，主打正宗古早味蛋糕，大家平時食到既古早蛋糕都係比較乾身同燶邊，呢度既店主特登去台灣學習最正宗既「水浴法」製作方式，引入台灣水浴法焗爐返香港，用隔水烘焗方法，盤下裝水慢焗，都係店舖既工場自家製作，每一盤都要用2-3個鐘低溫烘焙，而且每隻蛋都係人手分黃，6盤蛋糕用差唔多360隻蛋，淨係分蛋黃已經用幾個鐘。店主講解古早味其實係台灣閩南話，解以前既方式，以前既方式就得蒸、煮、燉、焗，因為以前唔會有焗爐，所以以前既方法係用蒸、燉既方法，隔住D水去蒸，好似蒸水蛋、蒸雞蛋咁，所以蛋糕會特別濕潤，底部永遠都唔會燶，坊間唔少古早蛋糕都都唔係正宗既水浴法製作，仲比左啲網上真係既古早蛋糕影片我睇，真正既水浴法因為用2-3個鐘焗製，所以唔燶邊，咁樣先食到蛋味濃同好似蒸氣既口感，所以四邊連底部都係奶黃色。店門前仲擺左真同假既古早蛋糕做比
係深水埗既呢間「囍源古早味蛋糕」，係2020年開業，主打正宗古早味蛋糕，大家平時食到既古早蛋糕都係比較乾身同燶邊，呢度既店主特登去台灣學習最正宗既「水浴法」製作方式，引入台灣水浴法焗爐返香港，用隔水烘焗方法，盤下裝水慢焗，都係店舖既工場自家製作，每一盤都要用2-3個鐘低溫烘焙，而且每隻蛋都係人手分黃，6盤蛋糕用差唔多360隻蛋，淨係分蛋黃已經用幾個鐘。店主講解古早味其實係台灣閩南話，解以前既方式，以前既方式就得蒸、煮、燉、焗，因為以前唔會有焗爐，所以以前既方法係用蒸、燉既方法，隔住D水去蒸，好似蒸水蛋、蒸雞蛋咁，所以蛋糕會特別濕潤，底部永遠都唔會燶，坊間唔少古早蛋糕都都唔係正宗既水浴法製作，仲比左啲網上真係既古早蛋糕影片我睇，真正既水浴法因為用2-3個鐘焗製，所以唔燶邊，咁樣先食到蛋味濃同好似蒸氣既口感，所以四邊連底部都係奶黃色。
店門前仲擺左真同假既古早蛋糕做比較，好詳盡講鮮比食客知真正古早蛋糕既特性，真正既古早蛋糕係好似呢度既黃金邊、黃金底，而且可以完整保持出品時既彈性同濕潤度，熱食凍食都咁好食。蛋糕可以雪凍存放三日，店主都有特別教，可以將蛋糕切件擺入電飯煲翻熱，10分鐘就可以食，香味同味道同岩岩出爐品質差唔多無分別，比起用焗爐、微波爐，更加可以鎖住水份。
而呢度既蛋糕希望顧客食到真正既原味道，精選新鮮材料，無添加任何色素同防腐劑，更加改良成低糖少油，食落唔甜，掂完蛋糕都完全唔會油，絕對係比平時既古早蛋糕健康。
古早蛋糕每朝7點開始新鮮製作，每日賣6-8款口味，可以係店鋪前面塊玻璃睇到，蛋糕非常之大件，大過手掌成倍，而且又高又厚，每次出爐一盤12件，一新鮮出爐就見人龍，唔駛10分鐘就賣完一底，非常人氣，試過一日賣上300件古早蛋糕，即係每日要焗25盤。
平時大家食到既古早蛋糕，口味選擇唔多，而店鋪最誇張既係店內右手邊牆身見到有8 x 11標籤既古早蛋糕口味，古早蛋糕口味接近100款，原本只有得原味、肉鬆、朱古力、抹茶等，之後店鋪業無耐接受街坊提議，所以口味多到接近100款，鹹甜都有，例如有紫薯、榴槤、柚子、蓮蓉、流心芝麻、合桃、咖吔、芋泥、金枕頭、陳皮紅豆蓉、黑松露芝士等，所有蛋糕都可以加髒髒面、髒髒彩虹面(即係彩針)、朱古力杏仁面，鐘意朱古力既人就岩哂。如果大家想食每日賣既6-8款之外既口味，可以係IG或者打電話訂製，仲可以為客訂製口味，每層餡料都係自己揀，聽店主講呢家蛋糕已經訂到去月尾。店鋪仲會定期係星期五八點半到九點開IG live，同客傾下計同想食咩味，之前推出過火鍋系列既三層古早蛋糕，用蒜蓉、芫荽同薑汁口味配搭而成，係平時打邊爐點醬配料，口味新奇，反而大受歡迎。
除左口味種類多之外，呢度用正宗台灣古旱蛋糕手法加以改良，係古早蛋糕內層加入餡料，可以整到4層，製成獨創既兩層、三層味道既巨無霸古早蛋糕。每層既餡料都係平均分布，咬落啖啖足料，當中三層肉鬆巨無霸傳統得黎又出色，肉鬆同蛋糕比例差唔多係1：1，係人氣之選。除左蛋糕製作認真，店內都有印章可以印上生日等祝福，印章有超過10款，都有朱古力醬比食客親手寫上朱古力祝福字句係古早蛋糕表面，服務體貼。
如果怕遠既朋友，店鋪有免費送到地鐵站既服務，電話訂購可以係於深水埗地鐵站閘口交收，唔駛出閘都可以，非常方面。
-
1️⃣ 斑蘭古早蛋糕 💰70＋15（👅: 8.5/10）
斑蘭
$70
1 浏览
1 赞好
0 留言
蛋糕食落鬆軟有彈性，而佢嘅內部係非常之濕潤，入口綿密濕潤，唔會乾爭爭，有小小似食緊蒸水蛋，同時間食到蛋香味濃厚，而餅底完全無燶，食到底部都係好鬆軟，因為蛋糕係低糖，整體唔會好甜，食哂成個都唔覺膩，當然咁大個蛋糕，一次係食唔哂，呢度既蛋糕，真係同平時食到嘅古早蛋糕質感完全唔同。
蛋糕食落有微微斑蘭，加上層與層之間甜甜嘅咖吔味，味道唔會太重，食落清新，食落真係好似新加坡嘅班蘭蛋糕，完全唔甜都唔膩，不知不覺就會係咁食，如果斑蘭味可以再重啲更好。
特級骯髒彩虹面
$15
0 浏览
1 赞好
0 留言
另外今次蛋糕上面加咗特級骯髒彩虹面，頂層鋪滿左朱古力脆片同彩針，朱古力突出個唔太甜，即使放左雪櫃兩三日，都仲係好脆，令蛋糕口感上同味道上更豐富。
-
2️⃣ 焙茶 芋泥 古早蛋糕 💰89（👅: 8/10）
焙茶芋泥
$89
1 浏览
1 赞好
0 留言
焙茶蛋糕食落茶香重，唔會有苦澀味餐都唔會死甜，聞落茶味香，出面食到既焙茶味都好淡，都係靠CREAM多，呢度既焙茶係打粉，臨訓前唔可以食，因為太濃食完會訓唔著。而層與層之間嘅芋泥，係用新鮮芋頭製作，芋泥餡係比較流質，味道唔算好濃郁，但入口幼滑，夠creamy，口感厚實綿密但又可以食到芋頭既口感，食落味道天然，而且夠新鮮，唔係好假嘅死甜味，而且見到店主有係芋泥餡上下層整左層蛋，令到芋泥餡唔會滲入蛋糕，同時間會食到蛋糕既蛋香味。不過我自己就唔係好習慣將呢兩個口味一齊食，芋泥味道如果可以再濃郁就更正。
-
🌟呢度既古早蛋糕質地濕潤、但又鬆軟，同出面食到既古早完全唔同，就黎好似食芝士蛋糕咁鬆軟。蛋糕以市面價錢唔算平，但份量好大個，食唔哂都可以放雪櫃3天內慢慢享用，即使蛋糕食唔哂放落雪櫃，第二日羅出黎凍食，蛋糕都係依然鬆軟濕潤，真係未試過唔特登整熱都好食。當然如果想熱食，可以按店主推薦方法，放入電飯煲加熱10分鐘就得，非常方便。
店員服務非常好，如果驚食唔哂一大個一隻味又想試多啲味，可以要求每隻味切半，有特別既口味想食，都可以提早兩三日係IG或者打電話預訂，IG每日都會更新當日有咩口味，怕遠唔方便仲有送貨服務，可以係地鐵站交收，蛋糕仲可以係上面燙印祝福語，，服務周到。
蛋糕店勝在口味非常之多，一定有一款係你鍾意既口味，而且可以睇到當日蛋糕既橫切狀況，今次試左兩隻，個人比較鍾意斑蘭咖吔味，因為自己係斑蘭咖吔迷，平時都成日食斑蘭咖吔多士，呢個口味擺落古早蛋糕幾滿意，下次會想試朱古力、咸蛋芝士。
每次買蛋糕都有得蓋印章，滿12送一個原味蛋糕，已經令我有再買既衝動。呢間小店無論係味道種類、服務、味道都係做得滴水不漏，為既就係可以將真係既古早蛋糕味道還原比大家試到，呢度既蛋糕絕對係用料細心，製作用心，絕對係食完會眼前一亮、令人諗起台灣既古早蛋糕。-
👅味道: 9/10
🍴環境: 7/10
💰消費: $55-90 (服務費: NA)
张贴
