星巴克咖啡 (已結業)

一早落downtown ，為加國護照作renewal，攪掂晒還未夠九點，於是蛇去Starbucks 食個早餐。不知是否跟位置有關，這間位於名店區的星巴克，由客路、服務、食品種類、店內裝修，統統都係本地最正！因為蛇王進行中，我挑了個偏僻角落暗位，幾好feel，大概係一個「偷情」靚位！？選了「土耳其三文治」（$15），土耳其包被店員烘烤得相當香脆，餡料有芝士、蕃茄、青瓜、生菜，溶為一體，甚是美味！當然係配drip coffee（$20），hea 足一個鐘，才施施然打的回灣仔上班。美好的一個早上！