IS Café (已結業)

上openrice睇哂食評, 一早book左位, 準時去到唔洗等, 滿心期待食呢餐, 明知刺身係開頭既時候會有好多人等, 特登食熟食先, 點知拎左碟睇野食時, 見到牛仔骨d汁'瓊'哂同乾哂, 轉揀其他野食, 返埋位發現冇樣熱, 跟住出去拎刺身, 個師傅超慢兼生手, 等左好耐, 我話所有都要少少除左八爪魚, 佢就話 '分兩輪啦好冇呀', 唯有話好, 切到一塊厚一塊薄, 薄到唔完整個隻, 真係好灰, 再食蟹腳, 拎左三隻, 咬左一啖, 好野, 完全冇味加'鞋'口, 放棄, 跟住食佛跳牆, 係全晚唯一可以讚賞下既, 有花膠, 冬菇, 鮑魚, 瑤柱, 都幾好味, 之後轉攻燒物, 燒成世都未燒好一樣野, 事關嚴重, 係嚴重唔夠人手, 個度有剌身, 即煮意粉, 粉麵, 燒物, 燒牛肉五個檔, 都只得兩條友, 痴線, 有個人要睇三個檔, d野燒到黑忟忟, 等左5分鐘都冇野燒好, 冇理由走, 等到10分鐘, 而家唔等更加唔抵, 結果等左15分鐘, 我等到既係一舊魚同一隻雞翼, 同一時間燒既雞翼佢竟然話未得, 我冇say, 同等緊既人係度寒喧都話呢間野好唔掂, 仲有一夾完生野又夾熟野俾人, 痴線, 跟住