用滷水做湯底打邊爐 你又試過未先🧐
潮州滷漢就係全港唯一餐廳咁做😮
呢個C餐放題已經食到佢地嘅極品和牛啦😈
湯底真係好夠料 味道又香又濃 😻
潮式豆腐同豬紅索晒湯真係好正👍🏻
.
火鍋材料非常豐富 除左有澳洲M6和牛之外🐮
仲有牛胸油 牛小排 封門柳 牛肩胛 肉眼部位等等😆
H先生特別愛好牛胸油 淥幾秒就食得😉
口感非常煙韌彈牙 牛油香好突出 Encore左幾次😛
牛肉整體質素相當唔錯 有牛味又嫩滑 食肉獸一定瘋狂🤩
.
蝦滑墨魚滑都做得好出色 爽口鮮甜🤪
呢度嘅鵝腸夠晒肥美 又有𡁻頭 鍾意嘅朋友要try try😎
佢地呢度另一樣出名嘅係生醃💁🏻♂️
雖然呢個餐唔包任食生醃 不過老細好好呀😍
每樣俾我地試左一碟 有蟶子 又有海蝦🦐
個汁嘅味道入口有微微醋酸 再帶有些醬油同蒜香 夠晒惹味 🔥
.
另外仲有自助形式嘅熱盤 花膠 椒鹽蝦 炒蜆等等 應有盡有 而且新鮮無腥味🙂
飲品無限量供應 有凍花茶 又有下火消暑野飲 😙
$298 可以話係超值價錢 而且食到比較特色啲嘅食材😋
值得推介俾咁多位💫
