西貢海灣會燒烤大王

襯冬天未完同朋友仔去西貢bbq🤓星期日bbq價錢，每位$277，只收現金。我哋一點幾到bbq場，唔係好多人🤓再晏啲就越嚟越多人。入場時會提供每人一份燒烤叉、紙碟、發泡膠碟、飲品杯、同埋每枱一個蜜糖膠兜+掃，可以去食物區拎蜜糖。我哋自己帶咗啲金菇蒜蓉牛油去燒🤓去到發現原來呢度有牛油提供，不過應該係人造牛油，一大桶嗰啲。我哋仲自己帶咗燒烤網，綿花糖，因為場地冇提供。覺得幾好食嘅食材有：咖喱魷魚、豬頸肉、紅腸、漢堡扒、牛油粟米🤓推薦帶個錫紙兜過嚟，將啲粟米切粒粒，然後燒熟佢。飲品機嘅水唔係幾好飲，蘋果汁好甜😬呢度嘅麵包係厚方包同埋法包，個人比較鍾意燒生命麵包多啲🥹厚方包有啲難燒呢度啲野食一定唔係靚食材，勝在有得任飲任食，又有得同朋友吹下水，都幾開心🤓#沒有接受用餐款待