得閒飲茶

营业中

休息中

平時都係一朝早去飲茶，呢間小店位於太子地鐵站旁邊，開到成夜晚11點，主打傳統同特色創意點心，全部即叫即蒸且價錢親民，平日晚上到訪都Full House，經開附近嘅可以一試。點心分為蒸、煎、炸、灼，仲有蒸飯、燉湯、甜品同飲品。必點之選有鵪鶉蛋燒賣，皮夠薄，肉質彈牙，層次分明，口感豐富。醬皇蒸鳳爪幾入味，骨肉分離，淡淡香氣，油光色澤。潮州粉粿有三大粒，外皮煙韌，餡料飽滿。家鄉鹹水角外層酥脆，食落唔油膩。蜜汁叉燒包鮮嫩多汁，黑金流心包唔會好甜，而且兩款嘅皮都唔厚。最後以椰香黃金糕作結，口感煙韌且有彈性，大大塊性價比高。