樂廚 (已結業)

今早，有啲嘢要去新浦崗搞，因利乘便，梗係要去樂廚歎個午餐啦！全日早餐，大大份，78蚊，有半個蕃茄、松露炒滑蛋、長香腸（真係成呎長）、煙三文魚沙律、粟米粒、麵包，用料不錯，好飽；太太要咗個咖哩吉列豬排蛋飯，豬排大大件，炸得好靚、又唔油，咖哩好味，兩隻蛋，仲係用珍珠米，唔使70蚊，正！店鋪不太大，但干淨企理，坐得舒服，員工有禮，食物有水準，中午前用餐，清清靜靜，仲可以同店員、店主打吓牙骹！因為掛住傾偈、食嘢，都忘記影相添！