Mini Friday (銅鑼灣廣場二期) (已結業)

自從銅鑼灣依間「Mini Friday」轉咗新Menu後，我就有勁多菜式都好想試。*此餐廳收取加一服務費。明太子忌廉帶子意粉（單點$226），帶子表面煎香位置帶有微微甜鹹味道，肉質彈牙，食落口感有一絲絲，味道鮮甜；三文魚籽，無腥味，食落好新鮮；意粉掛有明太子，味道鹹辣。5隻水牛城雞翼（單點$78），雞翼肉質外香脆內嫩滑，水牛城醬味道酸辣；沙律包括有苦苣、紫椰菜、車厘茄、芒果爆珠，配以黑醋汁食用，味道酸甜。黑松露薯條（單點$78），份量多，表面鋪有黑松露，但略嫌不夠用於調味薯條，粗切薯條即叫即炸，口感香脆，附有番茄醬。藜麥沙律（跟餐$0），包括有藜麥、橙色車厘茄、苦苣、青瓜、粟米，配以焙煎胡麻醬食用，味道清爽。是日餐湯（跟餐$0），椰菜花忌廉湯，味道清甜。薄脆（跟餐$0），口感香脆，配以千島醬食用，味道更佳。抹茶蕨餅窩夫雪糕（單點$68），抹茶蕨餅口感軟糯，但略嫌偏甜咗少少；窩夫口感外香脆內鬆軟；抹茶雪糕茶味濃香；配料包括有抹茶粉忌廉、草莓醬、藍莓、草莓、紅豆。奶蓋黑糖珍珠鮮奶（跟餐$18），奶蓋味道鹹香，口感綿密，但略嫌份量比較少，黑糖珍珠甜度適中，但略嫌珍珠口感外煙韌內硬實。