安平燒肉

营业中

休息中

最近去咗安平燒肉，發現佢哋推出咗全新升級版A4+和牛套餐，真係一個驚喜！雖然同牛大人屬於同一集團，但之前燒肉最高只係M6級別。今次試咗原條厚切燒牛脷，CP值超高，肉質滑溜、外焦內嫩，仲有檸檬香味，完全無得輸！特別推介極．厚切檸檬牛舌，店員會幫你計時，每2分鐘轉一面，烤好之後切開，心間粉紅色，質素媲美鰂魚涌某間知名牛舌店。而A4+和牛同壺漬牛肋肉，油脂分佈均勻，簡直係肉食者嘅夢想！再加上限定啤酒，質素大大提升！今次仲有新推海鮮，灸烤生蠔、霸王蝦、鮑魚，全部都係任食！仲驚喜發現有個新既茶壺雞湯，味道清清地，都唔錯～最後，記得去自助十二味醬專區拎招牌黃金醬，蔬菜汁配台灣麻醬，甜甜地好好食！