又有新嘢啦，全新限定主題「泰Happi 」一次過可以享受日式涮涮鍋，仲可以品嚐到一系列的泰式美食。
包括泰式船麵湯底、泰式生蝦、泰式香辣猪腳、冬陰功魷魚、青咖喱雞、瑪莎曼咖喱牛筋腩…
泰式船麵湯底
好特別呀！由雞殼、牛骨及豬骨慢火熬煮數小時，再加入檸檬葉、芽菜、辣椒等泰式香料，湯頭濃郁，酸中帶辣，層次感豐富。
Lv4主打澳洲穀飼黑安格斯牛、SRF美國極黑牛及海鮮，兩款牛肉都好食，唔會太肥，黑安格斯牛肉質更軟嫩，而美國極黑牛肉味更濃郁。
用優惠劵仲送咗一份日本九州和牛肩胛肉眼，肉質好嫩，配麻醬好好食😋
頭盤會有一碟海鮮拼盤，海蝦好大隻，鮮甜彈牙。另外仲有帶子、魚肚、青口、魷魚同埋墨魚滑～
自助區有多款熟食、丸類、新鮮蔬菜、各式小食、甜品、飲品、雪糕，應有盡有，仲可以DIY棉花糖，真係有得玩有得食😍仲有開心果及牛奶雪糕，好味。
鐘意飲啤酒嘅+$38可以任飲Sapporo，正呀！
