辛手村 (已結業)

最近旺角多咗條村， 就係叫「辛手村」🌶🤣佢充滿日系文青格調，行過門面完全唔知原來係食川菜干鍋😃仲有串燒食😍! 每晚9:30仲會調校燈光，搖身一變食為酒吧形象，食完飯再吹水直落都仲得🍸!落單先揀1款鍋底，再從20幾款配料中揀最少4款！鍋底口味有3款：自創嘅麻辣黑松露、日式壽喜燒味同埋可選辣度嘅傳統口味😉！我揀咗富有特色嘅麻辣黑松露🤤，真係估你唔到黑松露加上孜然、麻辣同其他味料都幾夾！最記得係個芋絲同牛肉都超入味🤤啖啖都充滿孜然嘅惹味😃! 🍢另外仲叫咗6款滋味串燒，包括：日式燒鰻魚（$38)、京蔥厚燒五花肉（$42）、川燒魷魚鬚串 （$38）、辛手雞棒肉串（$32）、川燒脆雞皮（$22）同埋 川燒翠玉瓜（$20）！🌟特別推介🌟鰻魚肉質腍滑；雞棒肉串又腌得入味，上面加上滿滿嘅孜然同辛辣粉，真係食得過癮🤤仲有焦糖青蘋果鴨肝多士($88)， 頂層燒得香脆嘅焦糖，加上青蘋果嘅清甜，調和咗鴨肝味道， 口感層次豐富👍!🥤飲品方面揀咗荔枝烏龍冰茶（$32），解解膩！係唔記得咗叫少甜嘅情況下都唔太甜，仲有陣陣茶香，不錯👍💡大家聽到川菜就好驚會好辣🌶， 其實佢有唔同嘅辣度可揀！只要落單時講清楚就可以了 ,