Chef's Stage Kitchen (西菁街)

营业中

休息中

龍蝦酥皮湯$56龍蝦味好濃烈，完全食得出係由龍蝦熬製出黎。酥皮黃金香脆，鬆脆嘅外皮覺得一絲絲。龍蝦湯非常順滑飲落去完全冇渣。香草牛油焗波士頓龍蝦尾$168 龍蝦肉質紮實，而且味道非常鮮甜。焗制嘅火候亦都非常到位，咬落去龍蝦肉一條條一絲絲。起埋肉之後食嘅時候非常方便。paprika 嘅調味到拿捏得好精準，龍蝦除咗鮮甜味之外，仲有微許嘅辛辣帶出肉汁鮮美。經典千層麵 $168 將闊條麵夾住肉醬一層一層疊起之後，面頭加咗巴馬臣芝士。熱辣辣，食起上嚟仲會有芝士拉絲。肉醬嘅餡料味道濃郁，牛肉碎食起上去更有肉味嘅鮮甜。火焰香烤美國外裙牛扒$328 外裙自己就係牛肋骨下面嘅部位，纖維比較長，而且肉味更加濃郁。比較多脂肪，所以食落去嘅時候鮮嫩多汁。火焰牛扒食嘅時候仲多一浸酒香味，令到肉質嫩滑嘅牛肉更加有一層風味。美女與野獸Cocktail （VIP價$58）用玫瑰Vodka 做基調嘅雞尾酒，第一啖飲嘅時候已經飲到淡淡嘅花香。而水蜜桃酒再喺佢之上加添咗甜美果香，橙冰低調嘅微酸令到飲品更加立體。蛋白令到雞尾酒飲落去嘅口感更加順滑綿密。最後茶香嘅點綴帶出淡淡嘅木香尾韻，令到嘢飲唔再係甜美，更加係有成熟嘅韻味。