影片
更多
2017-05-30
63 浏览
自從搬咗去新蒲崗上班後，每天搭巴士經過伊榮街，往窗外望，都會見到這間取名 Meat King 的食肆。翻查網上資料得知，原來這家開宗明義賣肉的店子，是日本過江龍，據說餐廳除了主打鐵板厚切漢堡扒外，還有多款牛扒及豬扒供應，而且招牌漢堡扒，款式極多，價錢豐儉由人，最平百鬆啲已經有交易，如果加錢轉 Full Set 嘅話，仲會附送 Buffet 自助餐，包沙律、湯、意粉、白飯、自家烘焙麵包、甜品及飲品等，睇落好吸引，一於趁假期前夕，和身邊的食肉獸去探索一吓。餐廳位於 1 樓，拾級而上，沒想到地方咁寬敞，座位擺放得疏疏落落，一室灑滿鵝黃的燈光，讓人感覺舒恬愜意。細看裝潢，以工業風為主，門口位以磚牆取代單調的粉刷牆身，配上用餐區的金屬裝飾、木製椅桌和天花垂下的骨架吊燈，柔和而不失格調。翻開餐牌，漢堡扒果然選擇甚豐，甚麼香蒜牛油、鹽味蔥絲、松露忌廉雜菌、溫泉蛋他他汁、和風照燒蛋、紫蘇蓉......等等，真係多到數都數唔曬，而且除了漢堡扒外，還有豬扒、雞扒、漢堡包和多款鐵板牛扒供應。如果想轉全包餐 Full Set，就要額外加 $58，另外餐廳亦有一份 Special Menu，上面有海膽北海道牛卷
自從搬咗去新蒲崗上班後，每天搭巴士經過伊榮街，往窗外望，都會見到這間取名 Meat King 的食肆。翻查網上資料得知，原來這家開宗明義賣肉的店子，是日本過江龍，據說餐廳除了主打鐵板厚切漢堡扒外，還有多款牛扒及豬扒供應，而且招牌漢堡扒，款式極多，價錢豐儉由人，最平百鬆啲已經有交易，如果加錢轉 Full Set 嘅話，仲會附送 Buffet 自助餐，包沙律、湯、意粉、白飯、自家烘焙麵包、甜品及飲品等，睇落好吸引，一於趁假期前夕，和身邊的食肉獸去探索一吓。
餐廳位於 1 樓，拾級而上，沒想到地方咁寬敞，座位擺放得疏疏落落，一室灑滿鵝黃的燈光，讓人感覺舒恬愜意。細看裝潢，以工業風為主，門口位以磚牆取代單調的粉刷牆身，配上用餐區的金屬裝飾、木製椅桌和天花垂下的骨架吊燈，柔和而不失格調。
翻開餐牌，漢堡扒果然選擇甚豐，甚麼香蒜牛油、鹽味蔥絲、松露忌廉雜菌、溫泉蛋他他汁、和風照燒蛋、紫蘇蓉......等等，真係多到數都數唔曬，而且除了漢堡扒外，還有豬扒、雞扒、漢堡包和多款鐵板牛扒供應。如果想轉全包餐 Full Set，就要額外加 $58，另外餐廳亦有一份 Special Menu，上面有海膽北海道牛卷、鵝肝壽司、法式鴨腿及一系列小食可供選擇。
先去 Buffet Bar 巡一圈再作決定，Salad Bar 選擇甚豐，有番茄青瓜沙律、碎蛋薯仔沙律，而沙律菜方面，賣相亦不俗，不但菜葉新鮮，而且切得幼細均勻，有紅葉生菜、椰菜絲、九芽菜、芝麻菜。至於旁邊的玻璃瓶，就有車厘茄、菠蘿、西蘭花、椰菜花、四季豆、青瓜、海草沙律、紅蘿蔔、三色椒及紅洋蔥。
麵食方面有泡菜天使麵、蕪菁粟米通粉配檸檬汁；而甜品就有雜果盆、芝士撻、朱古力撻、啫喱、焦糖布丁。飲品方面，花款亦不少，除咖啡、汽水外，還有不少果汁，全部以自助形式，任吃任飲。就一於點兩款肉扒，再加錢轉 Full Set。
趁扒餐未上，先吃點爽脆的沙律和水果打開胃口，原來除咗頭先講嘅沙律菜外，凍櫃內仲有唔少配料，例如粟米粒、紅腰豆、枝豆、葵花籽、提子乾、麵包粒等。另外醬汁選擇亦不少，有凱撒、日式芝麻、青芥末蛋黃醬、千島、柚子胡椒、紫蘇、蘋果、黑醋橄欖油，一共有 8 款，全部都可以 DIY，任由客人自行組合。
Soup Bar 有粟米湯和味噌湯，各取了一碗，前者入口甘甜，而後者材料雖然很簡單，只有昆布、柴魚片和豆腐，但喝下不覺死鹹，風味樸實。
兩款扒終於出場，先來的菠蘿漢堡扒 ($138+$40) 揀咗標準 Size，即 180g，加錢將牛肉 Upgrade 做 Angus。煎得熱辣辣的漢堡扒，以滾燙鐵板盛著上桌，廚師很貼心，用咗紙圍圈，以免醬汁四濺。細心看看，圓形厚身的漢堡扒，面頭蓋有一塊烤至色澤微焦的原片菠蘿，而旁邊的配菜就有粟米粒、洋蔥、紅蘿蔔、西蘭花。先淋上醬汁，再切開慢慢品嘗，漢堡外圍煎得小焦香口，輕輕咬開，扒質鬆軟，肉汁細流，而且油分不多，味道的確唔錯，難怪迷倒一眾食肉獸！
至於另一客就選了以低溫慢烤炮製而成的厚切豬扒 ($118)，豬扒件頭十足，而且上桌前，廚師已經約略代為界開，方便客人享用。切開入口，肉質厚而有彈性，質感軟腍，唯一美中不足是肉味不夠濃，幸好在醬汁的搭配下，食落亦算不膩不寡，水準合格。
唔夠飽？不用擔心，套餐包天使麵、粟米通粉、白飯和麵包。怕眼闊肚窄，所以只試了前兩款，個人推介泡菜天使麵，麵條似意粉，唔算幼身，但難得入口 Al Dente，加上泡菜的微辣口味，刺激夏日食慾。
甜品方面，款式較弱，以個人來說，覺得最值得推介嘅有芝士撻同朱古力撻，前者奶香明顯比芝士味突出，芝士味酸而不膩，味道不太甜；而朱古力撻，撻皮就較為出色，不但厚薄適中，而且質感鬆脆，與濃郁的朱古力相配。記得留肚食埋 Dreyers 雪糕先走，而這晚就有芒果和石板街兩款，各舀了一球，用來配棉花糖、彩虹朱古力、威化餅同脆脆片吃，味道一流！整體來說，肉扒味道不錯，分量適中，而且價錢唔算貴，一客扒加 Buffet，$200 有找，推介愛吃肉的朋友一試。
张贴
