Holiday Cafe (已結業)

我同老公住附近打算落樓食個tea，咁之前已經經過想入去試下，今次終於黎，我地2:30入座order左一個肉眼扒，一個墨西哥豬肉夾餅，一杯凍檸茶，一杯凍檸水，個女staff仲覆左一次單，fine！跟住我地等左好耐，d員工都有同我地對視，但嘢飲前菜一樣嘢都冇比過我地，我地等到3:00pm幾忍唔住問d staff，結果話冇同我地落單仲話唔記得左我地叫過d咩！最後真心嬲我走直接走人，冇食過任何野！我想講，d staff望左我地幾次見到檯面上冇任何飲品野食係唔係應該要check下有冇人漏單？點解等左成半個鐘一杯凍檸茶都冇係唔係應該有責任去check返個客有冇order？同埋樓面眼見係有4-5個staff，冇一個係跟進我地張台，呢d員工請返黎係趕客，我一定祝你老細生意興隆！