影片
更多
2018-02-14
109 浏览
醉胡爐冬天做埋火鍋，但亦都照樣供應刺身、壽司同串燒等日本料理。普通座每隔兩張枱就有屏風，增加私密感。中間嘅料理枱座位同普通座位隔得好開，加上樓底高，空間寬敞，點點燈光配合背景播放嘅輕音樂，用餐氣氛輕鬆。清澈嘅水缸入面係新鮮生猛嘅海鮮，見到啲游水龍蝦，新鮮象拔蚌，擺明想引我食啫。做緊幾個優惠﹕【水中花(Fleur Des Eaux)$28/隻】特價新鮮法國生蠔，都幾抵食，而且大大隻唔係將貨就價。入口先感到輕輕嘅海水味，然後食落開始有淡淡嘅回甘。口味清香令到蠔嘅鮮味更突出，適口唔鍾意太重味道人仕。【北海道象拔蚌刺身$98】又係特價之選，來自北海道絕對係質量保證，象拔蚌味道非常鮮甜，切到薄薄地但食落好爽口。【火焰龍蝦海鮮鍋 震撼價$1】原價$368嘅火焰龍蝦海鮮鍋，除非閣下好憎食龍蝦，或者食完會敏感，否則真係諗都唔駛諗，即叫！個湯底係店員即席整嘅 - 先將新鮮龍蝦(半隻)、蜆、番茄、洋蔥放入銅鍋炒，再倒入酒去煮一陣。然後點火，火勢都相當猛烈，聞到酒香。最後倒入龍•蝦•湯。先嚟飲啖湯，真係超濃龍蝦湯味，好足料！龍蝦有半隻，我地打完邊爐先食海鮮，但龍蝦肉同蜆肉都仲係甜鮮，而且帶少少酒味。【胡爐牛
清澈嘅水缸入面係新鮮生猛嘅海鮮，見到啲游水龍蝦，新鮮象拔蚌，擺明想引我食啫。
做緊幾個優惠﹕
【水中花(Fleur Des Eaux)$28/隻】特價新鮮法國生蠔，都幾抵食，而且大大隻唔係將貨就價。入口先感到輕輕嘅海水味，然後食落開始有淡淡嘅回甘。口味清香令到蠔嘅鮮味更突出，適口唔鍾意太重味道人仕。
【北海道象拔蚌刺身$98】又係特價之選，來自北海道絕對係質量保證，象拔蚌味道非常鮮甜，切到薄薄地但食落好爽口。
【火焰龍蝦海鮮鍋 震撼價$1】原價$368嘅火焰龍蝦海鮮鍋，除非閣下好憎食龍蝦，或者食完會敏感，否則真係諗都唔駛諗，即叫！個湯底係店員即席整嘅 - 先將新鮮龍蝦(半隻)、蜆、番茄、洋蔥放入銅鍋炒，再倒入酒去煮一陣。
然後點火，火勢都相當猛烈，聞到酒香。
最後倒入龍•蝦•湯。
先嚟飲啖湯，真係超濃龍蝦湯味，好足料！龍蝦有半隻，我地打完邊爐先食海鮮，但龍蝦肉同蜆肉都仲係甜鮮，而且帶少少酒味。
【胡爐牛拼盤(牛舌芯、金錢展、極上手切肥牛、日本和牛、牛粒)$368(小)】一個拼盤，有齊唔同口感/肉味/油香嘅牛肉，嗜牛者必點。
牛舌 — 肉味相對冇咁濃，但爽口。
金錢展 — 有咬口，肉味都幾濃。
極上手切肥牛 — 口感冇咁嫩滑，但肉味超濃郁，冇俾龍蝦湯搶走牛肉味。
牛粒 — 口感軟腍，而且油脂相當豐富，咬落去厚厚嘅牛肉粒即刻咇晒啲油出嚟，正。
日本和牛 — 油花佈滿每片和牛，食落嫩滑，慢慢滲油，滿口油香，大滿足！
【手打芝心牛丸$49/半份】、【鵝肝蝦丸$54/半份】兩份丸都好彈牙，芝心牛丸咬落去好多芝士漿，味道豐富。不過鵝肝蝦丸嘅鵝肝味道就冇咁突出。
【蔬菜拼盤$58(小)】兩個人叫咗份小拼盤，有皇帝菜、油麥菜、西洋菜、娃娃菜、唐篙等等。小拼盤都相當大份，四個人share都得，抵食。
【自家製炸響鈴$68】響鈴非常大件，總共有6件，放入湯底，索晒龍蝦湯嘅響鈴好鬼正。凈係食個蔬菜拼盤同響鈴都飽咗七八成。
除咗食物水準上佳之外，餐具都有啲心思，呢支撈篱x湯勺好方便，一支搞掂唔駛成枱餐具。
一整晚我應該飲咗至少7-8碗龍蝦湯，出面中價餐廳飲一碗都至少60-70蚊，仲要未必有龍蝦肉食，而且仲有蜆。
龍蝦湯唔係無限量供應，當要加湯時店員係會加蕃茄湯。如果想繼續保持龍蝦湯味，建議只加水，反正煲多陣又會濃味返。
今餐連埋加一醬料都係每人四百幾，有生蠔、象拔蚌、靚牛、龍蝦湯，全部係賣飛佛中嘅賣飛佛，值回票價。
张贴
