韓舍 (已結業)

一知道旺角新開，就即刻一行4人衝去朝聖，真心之前我係荃灣食過，比其他放題有驚喜，特別甜品類，今次旺角店亦沒讓我失望，有自制章魚丸子燒，自制棉花糖機，有紅豆夾餅，豆腐花，爽口寒天鮮果啫喱，迷李葡撻，外脆內軟蕉糖燉蛋，香濃藍莓芝士蛋糕，雪糕，曰本大福草餅，成隻蛋壳的燉蛋，芝麻糊……幾恐怖呢！ 基本燒肉，有10多款，有比較貴價羊扒，多春魚，牛柳串，豬扒。蔬菜有：秋癸，菠蘿，豆角，菇類；刺身：三文魚，吞拿魚，甜蝦，希靈魚，熱食：豬腳薑，炒蜆，炸三文魚頭腩，炸薯條……真係要咩有咩，大人老少都啱食實在難得，任飲有汽水機，清酒，檸檬沙冰，蘋果沙冰選擇，食足2個鐘，我除了欣賞它甜品多之外，燒雞翼煎開一半，令食物易燒熟，而一串串的食物，亦燒起來方便，醃的食物味道唔錯，燒完唔韌，蔬菜亦多款，好似秋癸我就大愛，纖維多之餘，降糖降血壓一流，試想下吃了禁多熱氣燒肉，食點蔬菜中和一下就好，佢亦有生菜，大蒜片，泡菜，我就學韓國人一樣，將燒肉夾在生菜大蒜一齊食，飽肚又健康！大家一定趁早定位，walk in 爆晒架啦，服務就欠奉，因為咩都自助形式，如果想食棉花糖又唔識整，真的無人幫你，我推介佢因為有得食有得玩，店鋪放題