影片
更多
2024-03-16
743 浏览
究极堂 Kyukyoku Do📍 (永光中心) (铜锣湾)铜锣湾登龙街28号永光中心11楼两年前嘅3月14，我认识咗经常喺我食评入面被提及嘅「朋友」，2024年嘅3月14，系我哋相识两周年嘅纪念日，所以我决定带佢去食佢最近成日话想食嘅鱼生饭，庆祝呢个大日子。讲到我哋邻近美食汇聚嘅地区，绝对非铜锣湾莫属。之前去过登龙街几次揾食，都留下唔错嘅印象，今次我就book咗位于永光中心11楼嘅究极堂。仲有幸坐到朋友最爱坐嘅吧台，边食边欣赏窗外嘅街景同师傅认真料理。餐厅嘅装修好有格调，唔似一般打住和风旗号嘅餐厅装修咁俗气，偏暗嘅环境配上暖色系灯光，都几浪漫。呢度环境同座位舒适，非常适合约会、三五知己小聚或者同一大班朋友搞聚会，仲可以book VIP房，而且炮台山都有分店，如果早啲知，之前就唔洗为谂去边搞gathering咁头痕啦！ 💰$218究极丼 🍱入正题，同大家介绍下今晚嘅主角── 究极丼！净系睇相都见到呢碗海鲜丼有几足料啦，师傅选用赤醋饭做饭底，酸度柔和易入口，配新鲜海产食，简直一流。加入赤醋后嘅米饭味道比一般白饭香醇，加上香口味浓嘅饭素同食到中段拌入嘅酱油渍蛋黄，整碗丼饭口感顺滑，味道极佳。
📍 (永光中心) (铜锣湾)
铜锣湾登龙街28号永光中心11楼
两年前嘅3月14，我认识咗经常喺我食评入面被提及嘅「朋友」，2024年嘅3月14，系我哋相识两周年嘅纪念日，所以我决定带佢去食佢最近成日话想食嘅鱼生饭，庆祝呢个大日子。
讲到我哋邻近美食汇聚嘅地区，绝对非铜锣湾莫属。之前去过登龙街几次揾食，都留下唔错嘅印象，今次我就book咗位于永光中心11楼嘅究极堂。仲有幸坐到朋友最爱坐嘅吧台，边食边欣赏窗外嘅街景同师傅认真料理。
餐厅嘅装修好有格调，唔似一般打住和风旗号嘅餐厅装修咁俗气，偏暗嘅环境配上暖色系灯光，都几浪漫。呢度环境同座位舒适，非常适合约会、三五知己小聚或者同一大班朋友搞聚会，仲可以book VIP房，而且炮台山都有分店，如果早啲知，之前就唔洗为谂去边搞gathering咁头痕啦！
[价钱 Price]
💰$218
究极丼 🍱
入正题，同大家介绍下今晚嘅主角── 究极丼！净系睇相都见到呢碗海鲜丼有几足料啦，师傅选用赤醋饭做饭底，酸度柔和易入口，配新鲜海产食，简直一流。加入赤醋后嘅米饭味道比一般白饭香醇，加上香口味浓嘅饭素同食到中段拌入嘅酱油渍蛋黄，整碗丼饭口感顺滑，味道极佳。
咁正嘅饭底，当然要配返同样高质嘅刺身嚟食先啱啦，系饭面上铺满咗各式各样新鲜刺身，包括：油甘鱼、三文鱼、赤海虾、海胆、帆立贝、三文鱼子、吞拿鱼蓉、炙烧右口鱼边同紫菜天妇罗，食材新鲜丰盛，刺身款款足料厚切，大部分都有两件，同朋友开心share嚟食，比我自己独食更开心。各款食材各有千秋，每款都鲜甜可口，无一款可以挑剔，但要数到最钟意嘅，肯定就系巨型赤海虾！虾肉味道鲜甜，肉质弹牙不在话下，虾头内嘅虾膏出乎意料外甘甜，毫无腥味，朋友钟意到吸晒两只虾嘅虾头膏，可惜到佢合上双眼品尝口中鲜味余韵。
净系呢个究极丼已经值得攞5粒星，真材实料高品质，难怪会成为招牌菜。
[价钱 Price]
💰$58
明太子芝士焗炸豆腐 🍳
明太子芝士玉子烧食过好多次，味道间间大同小异，无咩惊喜。我哋睇餐牌时，发现除咗一般日式菜式外，餐厅好有创意哋研发唔同fusion菜式，例如麻婆咖喱芝士pizza、韩式铁板鸡颈肉、大赤虾烤芝士牛肉卷等。其实样样我哋都想试，但无奈个肚无咁多位，所以就拣咗明太子芝士焗炸豆腐。
将口感滑溜嘅硬身豆腐原块油炸后，喺表面涂上大量明太子同铺满芝士，放上小铁锅入炉烤焗，表面香脆充满芝士芳香，内里浓香滑溜，正！
[价钱 Price]
💰$118
黑松露牛油果软壳蟹卷 🥑🦀🍣
呢款卷物包含晒我哋最钟意嘅食材：牛油果、黑松露、软壳蟹同蟹肉。虽然要擘到个口好大啖咁食系有啲尴尬，但大家务必要一啖完整咁食，因为咁先食到各种食材嘅完美配搭！
黑松露同蟹肉一向系perfect match，而另一pair好夹嘅就系软壳蟹同牛油果，当两样咁match嘅组合撞埋一齐，口感同味道夹上夹，再沾上四色芝麻饭素，格外滋味！
[价钱 Price]
💰$58
脆炸三文鱼皮 🐟
呢种三文鱼皮好特别，上面保留咗部分细鳞，炸起后异常香脆，每啖咬落都脆卜卜。鱼皮颜色偏白，本身自带鱼鲜味，点少少七味蛋酱就已经好好味。
[价钱 Price]
💰$23
半熟玉子 🥚
佢哋有一系列嘅炸串，由常见嘅鸡肉串到新机嘅芝士咖喱饭卷串都有提供，创意满分。我同朋友不约而同地想试下佢哋嘅炸半熟玉子，估唔到佢哋嘅炸蛋真系做到半熟半流心嘅效果，而且无沾上大量炸粉，所以食落无一般炸物嘅油腻感，蛋黄味道浓香，大家不妨一试。
[价钱 Price]
💰$48
炼乳草莓雪葩 🍓
我哋千挑万选拣咗炼乳草莓雪葩做今餐收尾嘅甜品，三粒红卜卜嘅草莓，雪冻至结冰后磨成沙冰，再唧上香甜嘅炼乳，简直绝配。呢款雪葩同食开嘅唔同，有别于传统做法将草莓打成果蓉，反而将部分果肉挖走，再以炼乳填满空缺，食落味道清甜冰爽，而且糖份含量仲比雪糕低，好睇、好食又健康！
张贴
