影片
更多
2022-12-11
606 浏览
唔使隔離之後個個都去晒旅行，未有得去泰國，唯有食住香港米芝蓮泰國菜先！聽講呢間鋪平時都大排長龍，又冇得book枱。星期六我哋特登喺佢6點開舖前半個鐘就排隊等，大概5點9，就已經有20個人排隊，6點3已經全場爆滿，不過用餐時間係90分鐘，所以7:30都已經會係食第二輪，想去食嘅朋友就要留意啦！沙嗲雞串燒 ($128)好耐未食過咁滑咁juicy嘅雞串燒，口感一流，但係本身啲雞已經有調味，再加上沙嗲汁其實有啲重口味，沙嗲汁偏甜入面仲有啲花生碎。伴碟嘅青瓜完全冇青瓜嘅草青味，我同男朋友都覺得佢用糖水浸過🤣一份有5串！泰式奶茶 ($46)泰奶茶一如以往都係甜到不得了，都係冇得嗌少甜，但係食泰國嘢又點少得一杯正宗嘅泰式奶茶呢！泰北咖喱牛金麵 ($148)聽落價錢有啲貴，但係好大碗，本身都驚啲牛會唔好食，因為泰國出名食豬多啲，但係呢間啲牛非常嫩同肥美，加上煮得好入味，成碗起碼有八舊牛，非常足料！啲麵可以因應個人口味，加上青檸汁，蛋麵食到有少少鹼水味扣咗分，但勝在咖喱味香濃，都掩蓋到啲鹼水味！另外呢個麵有芫荽，唔食嘅朋友記得叫佢走！😭蛋麵彈牙，炸豬皮脆口，浸落湯吸晒啲咖喱汁🤤🤤好回味！泰式蟹肉奄列 (
沙嗲雞串燒 ($128)
好耐未食過咁滑咁juicy嘅雞串燒，口感一流，但係本身啲雞已經有調味，再加上沙嗲汁其實有啲重口味，沙嗲汁偏甜入面仲有啲花生碎。伴碟嘅青瓜完全冇青瓜嘅草青味，我同男朋友都覺得佢用糖水浸過🤣一份有5串！
19 浏览
0 赞好
0 留言
泰式奶茶 ($46)
泰奶茶一如以往都係甜到不得了，都係冇得嗌少甜，但係食泰國嘢又點少得一杯正宗嘅泰式奶茶呢！
21 浏览
0 赞好
0 留言
泰北咖喱牛金麵 ($148)
聽落價錢有啲貴，但係好大碗，本身都驚啲牛會唔好食，因為泰國出名食豬多啲，但係呢間啲牛非常嫩同肥美，加上煮得好入味，成碗起碼有八舊牛，非常足料！
啲麵可以因應個人口味，加上青檸汁，蛋麵食到有少少鹼水味扣咗分，但勝在咖喱味香濃，都掩蓋到啲鹼水味！另外呢個麵有芫荽，唔食嘅朋友記得叫佢走！😭
蛋麵彈牙，炸豬皮脆口，浸落湯吸晒啲咖喱汁🤤🤤好回味！
14 浏览
0 赞好
0 留言
泰式蟹肉奄列 ($168)
一切開就見到好多好多蟹肉，但蟹肉鮮味唔係好出，而且個奄列好似搵油浸過咁，有少少油膩，但油膩野先好食🤣加上個泰式汁，酸酸甜甜好快清晒成碟！
17 浏览
0 赞好
0 留言
鮮製泰式香蕉飛餅 ($98)
食泰國嘢點少得banana pancake！侍應本身問我想落煉奶定係nutella，但小朋友先做選擇，我兩樣都要！🤣 我見啲人都係揀一樣咋，原來可以叫佢加晒兩樣！d nutella唔使錢咁樣勁厚達落去，飛餅煎到好脆好煙韌，入面啲香蕉仲要係厚切😂食一嚿已經好飽！信我，nutella加煉奶呢個組合先至係世一！
20 浏览
1 赞好
0 留言
斑蘭椰子湯圓 ($78)
第一次食呢款泰國甜品，斑蘭湯圓皮好煙韌，包住啲椰子肉好香好甜，面頭仲有啲椰子肉，鍾意食椰子嘅人唔可以錯過！不過個湯汁係椰汁糖水咁真係有啲甜😅
12 浏览
0 赞好
0 留言
因為得兩個人食，食唔到好多嘢，好想試埋佢個蟹肉炒飯同埋炒河粉，下次要叫多幾個人去分享！食完就會明，點解長期大排長龍，高質泰國嘢，正！佢喺灣仔都有分店，但係Menu唔同㗎！
张贴
