石澳泰

营业中

休息中

Shell O thai~喺石澳有泰國嘢食！之前入嚟石澳，多數都係燒嘢食，跟住入嚟轉一轉口味，食泰國嘢！廚房嗰啲聽佢哋嘅口音應該係泰國人嚟㗎，咁咪好有泰國風味囉😊我哋唔係叫咗好多嘢食㗎因為諗住試吓，好食下次再幫襯。我哋叫咗： - 軟殼蟹米紙卷 ：呢一個就失色咗啲、份量係多嘅、但軟殼蟹好似淋得滯，唔夠佢crispy - 香葉包雞：呢個就好入味啊，細細舊，味道可以- 黃咖喱雞肉配薄餅：咖喱呢就普普通通啦，但個薄餅配咖喱係好味嘅- 最後食埋海鮮菠蘿炒飯，佢真係有個菠蘿喺度架， 個炒飯又唔錯喎，有鑊氣，味道都唔錯，d料都多總括來講：個人認為食物味道可以，或者可能係我冇叫到佢最出名嘅嘢食啦，所以唔太有驚喜，價錢都略嫌貴咗啲。