日木三分 (已結業)

一坐低每人就有一兜毛豆食，份量都唔少，帶少少咸，越食越開胃。我哋呢餐叫咗酸菜魚，水煮魚，咕嚕斑腩，麻婆豆腐獅子頭，口水雞。由於口水雞嘅辣度10分滿分佢只有一分，同期望有啲出入，朋友仔話麻婆豆腐獅子頭啲豆腐都辣過佢。不過都可以推介比啲唔食得辣嘅朋友仔想試吓口水雞既感覺。😂而家嘅酸菜魚同水煮魚就做得好好食啦。魚肉嫩滑味鮮冇腥味，唔算好辣（利申：食得辣）但係都夠過癮。咕嚕斑腩都一樣推介，外脆肉滑，炸粉唔厚。三個魚嘅菜式都做得好好！麻婆豆腐獅子頭我就冇試到，但係唔係好食得辣嘅朋友仔就話覺得好辣，不過好好食。