影片
更多
2022-05-09
809 浏览
大西北最出名係咩？咪就係牛囉🤣不過今次入屯門就緊係唔係騎牛牛，而係試下依間開張無耐嘅燒肉放題店，牛魔王們又係時候出動喇😈• 尊SetD 正價$688/位 優惠後$344餐廳最近做緊指定套餐買一送一Promotion，優惠後每人只係$344，把握時機更抵食✨入座後會先送上牛肉拼盤，有紙仔識別返唔同部位，方便之後再Encore。七款牛肉之中我自己最鐘意嘅係M7和牛三角小排，一睇個樣就知啱我心水，燒完肉質juicy，食落滿嘴牛油香味，點少少鹽調下味就最perfect！另外附送嘅靚靚和牛西冷一樣咁正，雪花分佈好平均，可惜依款就冇得任食啦，真係好想再食多幾塊🤣海鮮方面質素亦唔錯，推介廣島蠔同帆立貝！另外一定要點烤芝士年糕，燒至外層微微脆口，內裡軟糯爆芝，有別於平時油炸嘅芝士年糕，非常過癮！飲品則有自家製冷泡烏龍，唔會得汽水灌飽你，可以一解油膩感，促進消化😳甜品區有驚喜🤯！居然有近期大熱嘅牛角包窩夫，以及放滿新鮮水果、造型極美嘅香蕉新地，雪糕用上Movenpick出品，而且有六款味道選擇，太有誠意了吧！記得一定一定要留肚食甜品😚😚
不過今次入屯門就緊係唔係騎牛牛，而係試下依間開張無耐嘅燒肉放題店，牛魔王們又係時候出動喇😈
• 尊SetD 正價$688/位 優惠後$344
餐廳最近做緊指定套餐買一送一Promotion，優惠後每人只係$344，把握時機更抵食✨
入座後會先送上牛肉拼盤，有紙仔識別返唔同部位，方便之後再Encore。七款牛肉之中我自己最鐘意嘅係M7和牛三角小排，一睇個樣就知啱我心水，燒完肉質juicy，食落滿嘴牛油香味，點少少鹽調下味就最perfect！另外附送嘅靚靚和牛西冷一樣咁正，雪花分佈好平均，可惜依款就冇得任食啦，真係好想再食多幾塊🤣
海鮮方面質素亦唔錯，推介廣島蠔同帆立貝！另外一定要點烤芝士年糕，燒至外層微微脆口，內裡軟糯爆芝，有別於平時油炸嘅芝士年糕，非常過癮！飲品則有自家製冷泡烏龍，唔會得汽水灌飽你，可以一解油膩感，促進消化😳
甜品區有驚喜🤯！居然有近期大熱嘅牛角包窩夫，以及放滿新鮮水果、造型極美嘅香蕉新地，雪糕用上Movenpick出品，而且有六款味道選擇，太有誠意了吧！記得一定一定要留肚食甜品😚😚
张贴
