名館 (希慎廣場) (已結業)

招牌酸菜魚放題，$388/p ，平時都係辣，竟然有得揀唔辣，條清江魚好滑嫩好入味，又夠大，兩個人足夠有餘，有黃豆芽菜，酸菜做配菜。之後加翻個湯打邊爐，仲有手切特級安格斯牛肉，牛肉有厚度而且無血水，另外鴨血，木耳，萵筍，蟹柳，滑豆腐，金菇，配料18蚊起，非常化算。紅薯粉吸晒啲湯而彈牙。脆鮮奶酥，咬落酥脆唔好散開。鎮江水晶餚肉，係江蘇傳統名菜，透明啫喱肉凍再切成一件件，沾黑醋食。除咗烤魚，仲有小菜同串燒可以選擇。