宮崎肉本舖 (已結業)

終於食到間頂級A5桜花和牛燒肉餐廳啦🤤餐廳裝修以日式木系為主，有好多包箱座位，坐得好舒服，私隱度極高，仲要望住維園風景，慢慢嘆！我們點⁡了【宮崎A5桜花牛極上燒肉套餐】⁡$998/1位，除了和牛任食，仲有日本豚肉，日本地雞，前菜，拉麵，燒物，飲品無限食到飽。放題食物用上100%日本時令食材，係香港都可以食到九州最地道的口味。首先店員送上A5桜花牛燒肉拼盤，有五花腩、牛肋肉、內外後腿肉、和尚頭、西冷等十多個部位，有好外稀有部位都未試過🤤片片都肉嫩鮮美，肉質細緻綿密油花飽滿，利用高溫鎖住肉汁吃下瞬間是香氣與嫩滑口感炸在嘴裏食完個頭盤和牛，我們沒有再追加牛肉了，試下其他菜式，全部都好有驚喜🤤特別是牛骨湯拉麵🍜一小碗份量剛剛好，牛骨湯好濃，牛肋骨軟滑，拉麵有韌度，好食到連個湯都飲曬。仲有餃子，一口咬落去，牛汁爆曬出黎，沾上秘製醬汁，酸辣適中，口感好正。剛好遇到Asahi啤酒🍻買1送1 ，$68 有2大杯，真係飲飽食醉。仲有自家製雪糕同抹茶雪糕都唔可以錯過👍非常滿足的一餐，店員態度熱情，期待下次再光顧。