影片
更多
2021-09-16
25 浏览
今日同咗個friend出咗荃灣shopping ，行咗幾個鐘，行到餓餓地，搵咗間門面幾台灣嘅餐廳食晚飯。入面唔算好太，但係成間都薰衣草色，仲有個粉紅芒草牆 d少女心返晒嚟😍真係好似去左台灣d cafe咁🥰。打開個Menu有勁多台式便當、小食、嘢飲 ，仲有埋芋圓！樣樣都勁吸引，佢哋係主打食芋泥吐司，當然係要叫返個啦🥰我哋兩個人每人都叫咗個套餐，包左湯、主食同飲品，好抵食，我地肚餓就再叫一份炸雞卷小食。個芋泥肉鬆吐司好快就送到，d芋泥差唔多成寸厚 ，肉鬆都好重手，個吐司焗到脆身加軟糯嘅芋泥夾埋肉鬆嚟食，又幾好食，無想像中咁甜👍🏼👍🏼！本來佢仲有一個蛋餅加吐司set，不過我地已經叫左好多野就留返下次再試！佢個套餐有一款湯加主食同飲品 ，我就叫咗個花枝丸湯加、台灣牛肉面同葡萄柚烏龍茶，個花枝丸湯有d似牛肉麵個湯底再濃多dd，加咗d洋蔥同炸蒜粒，超級香濃😋個花枝丸似係手工整嘅，有好大粒花枝肉，表面應該無炸過再放湯，好邪惡，好彈牙，好好食呀！跟住落嚟黎食個牛肉麵，佢d牛肋肉煮到好入味、好冧，我最中意其實係個湯底，有陣陣紅蘿蔔嘅甜味，又唔會太咸 🥰可以夾埋佢d酸菜一齊食，個味道好夾。佢嘅酸菜應該都係
入面唔算好太，但係成間都薰衣草色，仲有個粉紅芒草牆 d少女心返晒嚟😍真係好似去左台灣d cafe咁🥰。
打開個Menu有勁多台式便當、小食、嘢飲 ，仲有埋芋圓！樣樣都勁吸引，佢哋係主打食芋泥吐司，當然係要叫返個啦🥰
我哋兩個人每人都叫咗個套餐，包左湯、主食同飲品，好抵食，我地肚餓就再叫一份炸雞卷小食。
個芋泥肉鬆吐司好快就送到，d芋泥差唔多成寸厚 ，肉鬆都好重手，個吐司焗到脆身加軟糯嘅芋泥夾埋肉鬆嚟食，又幾好食，無想像中咁甜👍🏼👍🏼！本來佢仲有一個蛋餅加吐司set，不過我地已經叫左好多野就留返下次再試！
佢個套餐有一款湯加主食同飲品 ，我就叫咗個花枝丸湯加、台灣牛肉面同葡萄柚烏龍茶，個花枝丸湯有d似牛肉麵個湯底再濃多dd，加咗d洋蔥同炸蒜粒，超級香濃😋個花枝丸似係手工整嘅，有好大粒花枝肉，表面應該無炸過再放湯，好邪惡，好彈牙，好好食呀！
跟住落嚟黎食個牛肉麵，佢d牛肋肉煮到好入味、好冧，我最中意其實係個湯底，有陣陣紅蘿蔔嘅甜味，又唔會太咸 🥰可以夾埋佢d酸菜一齊食，個味道好夾。佢嘅酸菜應該都係自己整，冇平時果d咁酸，仲keep到d菜本身既原味。個麵仲有半隻溏心蛋，隻蛋流心得嚟又入味，太好食，我地之後再加多左隻。
杯葡萄柚烏龍茶就正正常常，茶底都有茶香，唔記得咗叫少甜都唔會太甜，幾岩飲。
我個friend就叫咗個蝦捲湯加酥炸雞便當，
再升級咗杯嘢飲做芋泥珍珠小芋圓，果杯野飲一送到嚟就即刻心心眼 ，杯野飲勁多料，有三分一係手工芋泥，再加埋勁多珍珠同埋小芋圓，朋友話超級正，可以邊飲邊食小芋圓，d芋圓好煙韌。
佢個蝦捲湯同我個花枝丸湯係差唔多，佢個蝦捲都好好食，同樣都好有口感，同好香炸洋蔥味，有d 馬蹄同青豆粒，好清甜、Juicy。
個酥炸雞便當超級豐富，有半隻糖心蛋同涼拌蒟蒻麵、酥炸雞、仲有滷肉飯。成個便當所有野都好好食，涼拌蒟蒻麵好有驚喜，個麵好香麻油味會越食越開胃㗎。炸雞就有層吉列脆皮，入面塊雞仲熱辣辣，最好juicy。不過我地最中意都係滷肉飯，佢地既滷肉唔會太肥，但又有d用筋位煮成既膠質，撈埋佢d粒粒分明嘅珍珠米，食到停唔到口。
最後上檯嘅小食炸雞卷，估唔到原來係功夫菜嚟，佢用一塊雞皮包住厚厚嘅雞腿肉再炸，做到皮脆肉嫩又Juicy，而且仲要好大份，真係極邪惡。
總括來說，今次真係好有驚喜，原來呢間鋪頭唔止賣少女風同吐司，佢既主食同小食都做得好好，而且一d都唔貴，一定會再encore!
张贴
