唐龍記車仔麵 (已結業)

話咁快就到Boxing Day，食左咁多日好嘢又係時間俾自己個胃抖抖喇！

見呢間車仔開左一段時間平日又好似幾多人咁就走入去試吓先。

一入到去都幾好招呼，我哋話咁就點兩碗麵加兩杯飲品。麵到了，沙嗲湯頭香而不辣，餸都唔錯，一塊塊的豬耳，唔係豬耳絲，咁食落去咁先過癮。豬腸夠味又冧，入口即化，相信用左唔少心機。不過牛筋腩就好有進步空間喇！牛腩唔夠冧同唔夠入味。至於，麵呢？有梘水味，不過尚可接受。

最後有一樣要講吓，就係地面不太乾淨，希望佢哋日後可以改善。